തിരുവനന്തപുരം: പത്മശ്രീ ലഭിച്ച അഖിലേന്ത്യാ ഗാന്ധി സ്മാരക നിധി ചെയര്മാന് പി. ഗോപിനാഥന് നായരെ വിവിധ ഗാന്ധിയന് പ്രസ്ഥാനങ്ങളുടെ ആഭിമുഖ്യത്തില് ഗാന്ധി ഭവനില് നടന്ന ചടങ്ങില് ആദരിച്ചു. ഏഴു പതിറ്റാണ്ട് കാലം ഗാന്ധിയന് പ്രസ്ഥാനങ്ങളുടെ പ്രവര്ത്തകനായും അമരക്കാരനായും പ്രവര്ത്തിച്ച ഗോപിനാഥന് നായര്ക്കും സഹധര്മിണി സരസ്വതിയമ്മക്കും ആശംസകള് നേരാനും ഉപഹാരങ്ങള് സമര്പ്പിക്കാനും സംസ്ഥാനത്തിന്റെ വിവിധ ഭാഗങ്ങളില് നിന്നും ജീവിതത്തിന്റെ വ്യത്യസ്ത തലങ്ങളില് നിന്നും ഇരുന്നൂറോളം പ്രവര്ത്തകരും നേതാക്കളും ഗാന്ധിഭവനില് എത്തിച്ചേര്ന്നു . കേരള ഗാന്ധി സ്മാരക നിധി വര്ക്കിംഗ് ചെയര്മാന് ഡോ എന്. രാധാകൃഷ്ണന് അധ്യക്ഷത വഹിച്ചു. സീനിയര് ഗാന്ധിയന് അഡ്വ. കെ. അയ്യപ്പന് പിള്ള ചടങ്ങില് വെച്ച് ഗാന്ധിയന് പ്രസ്ഥാനങ്ങളുടെ ഉപഹാരമായ പ്രശസ്തി പത്രം ഗോപിനാഥന്നായര്ക്ക് സമര്പ്പിച്ചു. വിവിധ പ്രസ്ഥാനങ്ങളുടെ ഭാരവാഹികള് ഉപഹാരങ്ങളും പൊന്നാടകളും സമര്പ്പിച്ചു.
തിരുവിതാംകൂര് ദേവസ്വം ബോര്ഡ് ചെയര്മാന് പ്രയാര് ഗോപാലകൃഷ്ണന്, കെ. രാമന് പിള്ള, ഡോ. എന്. ഗോപാലകൃഷ്ണന് നായര്, മുതിര്ന്ന പത്രപ്രവര്ത്തകന് മലയിന്കീഴ് ഗോപാലകൃഷ്ണന്, ഗാന്ധിയന് സാഹിത്യകാരന് എന്.പി. പുന്തല, സ്വാമി അശ്വതി തിരുനാള്, കേരള സര്വോദയ മണ്ഡലം ജനറല് സെക്രട്ടറി ജി. സദാനന്ദന്, ഗാന്ധി സ്മാരക നിധി മുന് സെക്രട്ടറി അജിത്വെണ്ണിയൂര്, മുന് ജില്ലാ പഞ്ചായത്തംഗം മലയിന്കീഴ് വേണുഗോപാല്, ഗാന്ധി സ്മാരക നിധി സെക്രട്ടറി കെ.ജി. ജഗദീശന്, ഡോ ഡി. മായ, ശാന്തിസമിതി സെക്രട്ടറി ജെ.എം. റഹിം, പ്രൊഫ. എം.കെ. ഗംഗാധരന്, പ്രൊഫ. കെ.ആര്. രവീന്ദ്രന് നായര്, ഡോ ശാന്താ സദാശിവന്, വിഴിഞ്ഞം ഇസഹാക്ക്, കാട്ടായിക്കോണം ശശിധരന്, തലനാട് ചന്ദ്രശേഖരന് നായര്, ടി.ആര്. സുബ്രഹ്മണ്യം, ഹരികുമാരന് നായര്, എം. ശിവശങ്കരന് നായര്, അഡ്വ. ജയചന്ദ്രന് നായര്, എം. അയ്യപ്പന് നായര്, എം. മനോഹരന്, രുക്മിണി രാമകൃഷ്ണന്, ജി. ശ്രീകുമാര്, ആര്. രാജപുഷ്പം, എം.എം. ഉമ്മര് തുടങ്ങിയവര് സംസാരിച്ചു. പി. ഗോപിനാഥന് നായര് മറുപടി പ്രസംഗം നടത്തി.
