കഴിഞ്ഞ അഞ്ച് വര്ഷക്കാലം കേരളത്തെ കട്ടുമുടിക്കുകയും വില്പ്പന നടത്തുകയും വര്ഗീയത വളര്ത്തുകയും ചെയ്ത യുഡിഎഫിന്റെ മന്ത്രിമാരും, എഎല്എമാരും നട്ടെല്ല് നന്നായിട്ട് വളച്ചു പിടിച്ച് വോട്ട് ചോദിക്കുന്നത് കാണുമ്പോള് സഹതാപം ആണ് തോന്നുന്നത്. ഭരണം ഉണ്ടായിരുന്ന സമയത്ത് ജനങ്ങളെ പുച്ഛിച്ചു തള്ളുകയും, ബെന്സ് കാറിലും, പഞ്ച നക്ഷത്ര ഹോട്ടലുകളിലും കഴിഞ്ഞിരുന്നവര്, ജനങ്ങളെ മറന്ന ഭരണാധികാരികള് ഇന്ന് അതെ ജനങ്ങളുടെ മുന്നില് വീണ്ടും നുണകളുടെ പെരുമഴ പെയ്യിച്ചുകൊണ്ട് വോട്ട് തെണ്ടാന് ഇറങ്ങിയിരിക്കുന്നു. ജനങ്ങള് ഇവരെ തിരിച്ചറിയുക!!!
വിനോദ് കടയ്ക്കല്
നിയമങ്ങളെ അവഗണിച്ചു വെടിക്കെട്ടു നടത്തുവാന് സഹായിച്ച ഉദ്യോഗസ്ഥരെ നിയമപരമായ നടപടികള്ക്കു വിധേയരാക്കണം എന്ന പ്രാഥമിക കാര്യങ്ങള് അവഗണിച്ചു വെടിക്കെട്ടു നടത്തുന്നതു സംബന്ധിച്ചു നിലവിലെ നിയമങ്ങള്കൊണ്ടു പ്രയോജനമില്ലെന്ന അടിസ്ഥാനരഹിതങ്ങളായ വാദങ്ങള് ഉയര്ത്തുന്നു! കേരളത്തില് വെടിക്കെട്ടു നിരോധനമാണു ആവശ്യം എന്നതിനു മാത്രം ഊന്നല് നല്കുന്നു! ജനസുരക്ഷാ നിയമങ്ങള് നടപ്പാക്കാതിരുന്ന ഉദ്യോഗസ്ഥന്മാര്ക്കു കുഴപ്പമില്ല!
അതേസമയം നിയമങ്ങള് കര്ശനമായി അനുസരിച്ച് ജനസുരക്ഷ ഉറപ്പാക്കി ആയിരക്കണക്കിനു ക്ഷേത്രങ്ങളില് ഉത്സവത്തോടനുബന്ധിച്ചു ഒരു കുഴപ്പവുമില്ലാതെ വെടിക്കെട്ടു നടത്തുന്നതു അവഗണിച്ച് കേരളത്തില് ആകെ വെടിക്കെട്ടു നിരോധിയ്ക്കണം എന്നാണാവശ്യം! ജനസുരക്ഷ ഉറപ്പാക്കുന്ന നിയമങ്ങള് കര്ശനമായി നടപ്പാക്കേണ്ട ചില ഉേദ്യാഗസ്ഥരെക്കൊണ്ടു സാധാരണ ജനങ്ങള്ക്കു പ്രയോജനമില്ല. നിയമപരമായ പരിഹാരം കണ്ടെത്തുന്നതിനു പകരം കേരളത്തിലാകെ ആഘോഷങ്ങളില് വെടിക്കെട്ടു നിരോധിയ്ക്കുവാന് എന്താ ഉത്സാഹം!
യഥാര്ത്ഥത്തില് നൂറോളം ജനങ്ങളുടെ മരണത്തിന് കാരണക്കാരായവര് അനധികൃതമായി വെടിക്കെട്ടു തടയാഞ്ഞ ഉദ്യോഗസ്ഥരോ? അനധികൃതമായ വെടിക്കെട്ടു തടയേണ്ട ഉദ്യോഗസ്ഥരുടെ സാന്നിദ്ധ്യത്തില് വെടിക്കെട്ടു നടത്തിയവരോ?പോലീസിനു ചുമതലകളില് എന്തെങ്കിലും വീഴ്ച്ച പറ്റിയാല് ഉടനെ വളരെ ശക്തമായി പ്രതികരിയ്ക്കുകയും, കര്ശന നിയമ നടപടികള് എടുക്കുകയും ചെയ്യുന്ന ഇപ്പോഴത്തെ പോലീസു മേധാവി പരവൂരില് പോലീസിനു സംഭവിച്ച അനാസ്ഥയില് മൗനം പാലിക്കുന്നു എന്നതു വിശ്വസിക്കുവാനാകുന്നില്ല.
ശ്രീകുമാര്
