കൊച്ചി: ഹോപ്പ് പഌന്റേഷന് പതിച്ചു നല്കിയ ഭൂമി സര്ക്കാര് തിരിച്ചെടുത്ത സാഹചര്യത്തില് പഌന്റേഷന് അധികൃതര് ഈ ഭൂമിയിലെ മരങ്ങള് മുറിച്ചു മാറ്റരുതെന്നും ഭൂമിയുടെ ഘടനമാറ്റരുതെന്നും ഹൈക്കോടതി നിര്ദ്ദേശിച്ചു. ഭൂമി പതിച്ചു നല്കാനുള്ള ഉത്തരവ് റദ്ദാക്കിയ സാഹചര്യത്തില് ഭൂപരിഷ്കര നിയമത്തിലെ നോട്ടീസ് നടപടിക്രമങ്ങള് പാലിച്ച് ഭൂമി സര്ക്കാര് ഏറ്റെടുക്കണമെന്നും ജസ്റ്റിസ് എ. മുഹമ്മദ് മുഷ്താഖ് നിര്ദ്ദേശിച്ചു. പീരുമേട് പഞ്ചായത്തില് 750 ഏക്കര് ഭൂമിയാണ് പതിച്ചു നല്കിയത്. ഇതിനു പുറമേ പഌന്റേഷന് അധികൃതരുടെ കൈവശമുണ്ടായിരുന്ന 150 ഏക്കര് സര്ക്കാര് ഏറ്റെടുത്തിരുന്നു. പൊതു ആവശ്യത്തിനായി ഈ ഭൂമി വിനിയോഗിക്കുമെന്ന് വ്യക്തമാക്കിയാണ് സര്ക്കാര് ഈ ഭൂമി ഏറ്റെടുത്തത്. ഇതിനെതിരെയാണ് ഹോപ്പ് പഌന്റേഷന്സ് അധികൃതര് ഹൈക്കോടതിയിലെത്തിയത്. ഇന്നലെ ഹര്ജി പരിഗണനയ്ക്കെടുത്തപ്പോള് ഇവര്ക്കു 750 ഏക്കര് ഭൂമി പതിച്ചു നല്കിയ ഉത്തരവ് സര്ക്കാര് റദ്ദാക്കിയിട്ടുണ്ടെന്ന് റവന്യു വകുപ്പിന്റെ സ്പെഷ്യല് പഌഡര് സുശീല ഭട്ട് ബോധിപ്പിച്ചു.
