വിളപ്പില്: കാട്ടാക്കട മണ്ഡലത്തിലെ കോണ്ഗ്രസ് സ്ഥാനാര്ഥിയും സിറ്റിംഗ് എംഎല്എയുമായ എന്. ശക്തന്റെ തെരഞ്ഞെടുപ്പ് പര്യടനം ഐ ഗ്രൂപ്പ് ബഹിഷ്കരിച്ചു. ഇന്നലെ രാവിലെ മാറനല്ലൂരില് സ്വാതന്ത്ര്യ സമരസേനാനി മാധവന് നായരുടെ സ്മൃതിമണ്ഡപത്തില് പുഷ്പാര്ച്ചന നടത്തിയാണ് ശക്തന് മണ്ഡലത്തിലെ ഔദ്യോഗിക പര്യടനം ആരംഭിച്ചത്. ഈ പര്യടന പരിപാടിയില് നിന്നാണ് ഐ വിഭാഗം വിട്ടുനിന്നത്. കഴിഞ്ഞ ദിവസങ്ങളില് ഐ ഗ്രൂപ്പ് നേതാക്കള് രഹസ്യയോഗങ്ങള് ചേര്ന്ന് ശക്തന്റെ തെരഞ്ഞെടുപ്പ് പരിപാടികള് ബഹിഷ്കരിക്കാന് തീരുമാനമെടുത്തിരുന്നു. മണ്ഡലത്തിന്റെ ചുമതലയുള്ള ഡിസിസി സെക്രട്ടറിമാര്, ബ്ലോക്ക് പ്രസിഡന്റ്, മണ്ഡലം ഭാരവാഹികള് എന്നിവരാണ് പര്യടനത്തില് പങ്കെടുക്കാതെ ശക്തന് മത്സരിക്കുന്നതിലുള്ള എതിര്പ്പ് പരസ്യമായി പ്രകടിപ്പിച്ചത്. എ ഗ്രൂപ്പിലെ ചുരുക്കം ചില നേതാക്കളുമായി പ്രചരണം ആരംഭിച്ച ശക്തന് വളരെ പെട്ടന്നുതന്നെ മാറനല്ലൂരില് നിന്ന് കാട്ടാക്കട പഞ്ചായത്തിലേക്ക് പോയി. ഇവിടെയും ഐ ഗ്രൂപ്പ് ബഹിഷ്കരണം ശക്തന്റെ പ്രചാരണത്തിന്റെ നിറം കെടുത്തി. തുടര്ന്ന് പര്യടനം അവസാനിപ്പിച്ച് ഉച്ചയോടെ ശക്തന് മടങ്ങുകയായിരുന്നു.
ശക്തന്റെ തെരഞ്ഞെടുപ്പ് പര്യടനം ഐ ഗ്രൂപ്പ് ബഹിഷ്കരിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.