കൊച്ചി: ജില്ലയില് സ്വകാര്യ ബസുകള് നടത്തുന്ന നിയമ ലംഘനങ്ങള്ക്കെതിരെ കര്ശന നടപടി സ്വീകരിക്കാന് സംസ്ഥാന മനുഷ്യാവകാശ കമ്മീഷന് അദ്ധ്യക്ഷന് ജസ്റ്റിസ് ജെ.ബി. കോശി എറണാകുളം ആര്. റ്റി ഒക്ക് നിര്ദ്ദേശം നല്കി. എറണാകുളത്തു നിന്നും ആലുവയിലെത്തുന്ന സ്വകാര്യ ബസുകള് ടൗണ് ചുറ്റിയ ശേഷം ബസ്റ്റാന്റിലെത്തണമെന്ന നിയമം മറികടന്ന്് ആലുവ മാര്ക്കറ്റിനടുത്ത് നിന്ന് വലത്തേക്ക് തിരിഞ്ഞ് സ്റ്റാന്റിലേക്ക് പ്രവേശിക്കുന്നത് പതിവാണ്. ടൗണിലെ വിവിധ സ്ഥലങ്ങളില് പോകാന് ടിക്കറ്റെടുത്തവര് ഇവിടെയിറങ്ങി മറ്റൊരു ബസില് കയറി പോകേണ്ടതായി വരുന്നു. ഇവിടെ നിന്ന് എറണാകുളം ബോര്ഡ് വച്ച് സ്വകാര്യ ബസുകള് ആളെ കയറ്റുന്നതായും പരാതിയുണ്ട്. സ്കൂളുകളിലും കോളേജുകളിലും ആശുപത്രികളിലും മറ്റ് സര്ക്കാര് ഓഫീസുകളിലും പോകേണ്ടവര് പെരുവഴിയിലാകുന്നു. ആലുവ മാര്ക്കറ്റ് സ്റ്റാന്റിലെത്തുമ്പോള് ബോര്ഡ് മാറ്റുന്നതു കാരണം പോലീസുകാര്ക്ക് നിയമ ലംഘനങ്ങള് കണ്ടുപിടിക്കാന് കഴിയാറില്ല. നിയമ ലംഘനങ്ങള് നടത്തുന്നവര്ക്കെതിരെ നടപടി സ്വീകരിക്കണമെന്ന് ജസ്റ്റിസ് ജെ.ബി. കോശി ഉത്തരവില് പറഞ്ഞു. ആലുവ സ്വദേശി ടി. നാരായണന് സമര്പ്പിച്ച പരാതിയിലാണ് നടപടി.
സ്വകാര്യ ബസുകളുടെ നിയമ ലംഘനം: നടപടിക്ക് മനുഷ്യാവകാശ കമ്മീഷന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.