കണ്ണൂര്: ബോണസ് ആവശ്യപ്പെട്ട് ഏപ്രില് 6 മുതല് ജില്ലയിലെ സ്വകാര്യ ബസ് തൊഴിലാളികള് അനിശ്ചിതകാല പണിമുടക്ക് നടത്തും. കണ്ണൂര് ജില്ലയില് 1950 മുതല് സ്വകാര്യ ബസ് തൊഴിലാളികള്ക്ക് ലഭിച്ചുവരുന്ന ബോണസ് 2016 മുതല് നല്കില്ലെന്നും ബോണസിന് തൊഴിലാളികള് അര്ഹരല്ലെന്നും ഈ വിഷയത്തില് അനുരഞ്ജന ചര്ച്ച നിര്ത്തിവെക്കാന് ലേബര് ഓഫീസര്ക്ക് നിര്ദ്ദേശംകൊടുക്കണമെന്നും ആവശ്യപ്പെട്ട് ബസ്സുടമസ്ഥ സംഘടനകള് ഹൈക്കോടതിയെ സമീപിച്ചിട്ടുണ്ടെന്ന് പറഞ്ഞ് ഇന്നലെ നടന്ന ചര്ച്ചയില് ബസ് ഉടമ പ്രതിനിധികള് വിട്ടുനില്ക്കുകയായിരുന്നു. വര്ഷങ്ങളായി തൊഴിലാളികള്ക്ക് ലഭിക്കുന്ന ബോണസ് ചര്ച്ചകളില് നിന്നും വിട്ടുന്ന ബസ്സുകളുടെ നടപടിയില് പ്രതിഷേധിച്ച് സ്വകാര്യ ബസ് തൊഴിലാളി യൂണിയന് സംയുക്ത സമിതി പ്രതിഷേധിച്ചു. ലേബര് ഓഫീസര് പരിസരത്തുനിന്നും തൊഴിലാളികള് കണ്ണൂര് പുതിയ ബസ് സ്റ്റാന്റിലേക്ക് പ്രതിഷേധ പ്രകടനം നടത്തി. തുടര്ന്ന് നടന്ന യോഗത്തില് പി.വി.കൃഷ്ണന്, കെ.കെ.ശ്രീജിത്ത്, കെ.ജയരാജന്, പു.സൂര്യദാസ്, താവം ബാലകൃഷ്ണന്, അബ്ദുള് മജീദ്, എം.കെ.ഗോപി, എന്.മോഹനന്, എന്.പ്രസാദ്, കെ.പി.രവീന്ദ്രന്, സി.വി.രാജേഷ് പി.ചന്ദ്രന് എന്നിവര് സംസാരിച്ചു.
ഏപ്രില് 6 മുതല് സ്വകാര്യ ബസ് തൊഴിലാളികള് പണിമുടക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.