പുതിയകാവ് ദേവീ ക്ഷേത്രത്തില്‍ മീനഭരണി ഉത്‌സവം

കുമരകം: പുതിയകാവ് ദേവീ ക്ഷേത്രത്തിലെ മീനഭരണി ഉല്‍സവം ഏപ്രില്‍ 2ന് കൊടിയേറി 9ന് ആറാട്ടോടെ സമാപിക്കും. പ്രസിദ്ധമായ അശ്വതിവിളക്ക് എട്ടിനു രാത്രി 9ന് നടക്കും. രണ്ടിനു വൈകിട്ട് 8.30നും 9നും മധ്യേ ഭദ്രകാളി മറ്റപ്പള്ളിമനയില്‍ നാരായണന്‍ നമ്പൂതിരിപ്പാടിന്റെ മുഖ്യകാര്‍മികത്വത്തിലും മേല്‍ശാന്തി ചീരക്കാട്ട് ചന്ദ്രമന ഇല്ലം അഭിലാഷിന്റെ സഹകാര്‍മികത്വത്തിലുമാണ് കൊടിയേറ്റ്. തുടര്‍ന്നു കരിമരുന്നു കലാപ്രകടനം.

തിരുവരങ്ങില്‍ വൈകിട്ട് എട്ടിനു ചാക്യാര്‍കൂത്ത് നടക്കും. 3ന് എട്ടിന് ശ്രീബലി, ഒന്നിന് ഉല്‍സവബലി ദര്‍ശനം, തുടര്‍ന്ന് അന്നദാനം, വൈകിട്ട് 10ന് വിളക്ക്. തിരുവരങ്ങില്‍ വൈകിട്ട് എട്ടിനു ഭരതനാട്യം. നാലിന് എട്ടിന് ശ്രീബലി, 4.30ന് കാഴ്ചശ്രീബലി, 8.30ന് വിളക്ക്, തിരുവരങ്ങില്‍ വൈകിട്ട് 10ന് ഭക്തിഗാനമേള, അഞ്ചിന് 10.15ന് ശ്രീഭൂതബലി, 4.30ന് കാഴ്ചശ്രീബലി, 10ന് വിളക്ക്, താലപ്പൊലിഘോഷയാത്ര, തിരുവരങ്ങില്‍ വൈകിട്ട് എട്ടിനു കാഞ്ഞിരപ്പള്ളി അമലയുടെ നീതിസാഗരം നാടകം. ആറിന് എട്ടിന് ശ്രീബലി, വൈകിട്ട് 8.30ന് വിളക്ക്. തിരുവരങ്ങി ല്‍ വൈകിട്ട് 10ന് കൊച്ചിന്‍ നാട്ടരങ്ങ് അവതരിപ്പിക്കുന്ന പരബ്രഹ്മമുത്തപ്പന്‍. ഏഴിന് എട്ടിന് ശ്രീബലി, 6.30ന് ക്ഷേത്രച്ചടങ്ങുകള്‍ക്ക് ശേഷം താലപ്പൊലിഘോഷയാത്ര. 8.30ന് വിളക്ക്. തിരുവരങ്ങില്‍ വൈകിട്ട് 10ന് ഗാനമേള. 8ന് ഒന്നിന് ഉത്‌സവബലിദര്‍ശനം. വൈകിട്ട് നാലിന് ഗജവീരന്‍മാര്‍ക്ക് സ്വീകരണം. വൈകിട്ട് 9ന് അശ്വതി വിളക്ക്. ഒന്‍പതിനു രാവിലെ ഏഴിന് ആറാട്ട് എഴുന്നള്ളിപ്പ്, 10ന് ആറാടി എഴുന്നള്ളിപ്പ്, താലപ്പൊലിഘോഷയാത്ര. 12ന് കൊടിയിറക്ക്.—12.30ന് പ്രസാദമൂട്ട്‌