കൊച്ചി: ഇടപ്പള്ളി ലുലുമാളിന്റെ മൂന്നാംവാര്ഷികാഘോഷങ്ങള് സംഗീതജ്ഞന് സ്റ്റീഫന് ദേവസ്സിയും ലുലു ഗ്രൂപ്പ് ഇന്ത്യാ ഡയറക്ടര് എം.എ. നിഷാദും ചേര്ന്ന് ഉദ്ഘാടനം ചെയ്തു. ഈ കാലയളവില് 5.6 കോടിസന്ദര്ശകരും 90 ലക്ഷം വാഹനങ്ങളും മാളിലെത്തി. സന്ദര്ശകരുടെ എണ്ണത്തില് മുന്വര്ഷത്തേക്കാള് 12% വര്ദ്ധനവുണ്ടായി. കഴിഞ്ഞ ഒരുവര്ഷത്തിനിടെ ടൂറിസ്റ്റുകളും എക്സ്ചേഞ്ച് വിദ്യാര്ത്ഥികളും ഉള്പ്പെടെ മൂന്നു ലക്ഷത്തോളം പേര് വിദേശ രാജ്യങ്ങളില് നിന്നുമെത്തി. 200 ഔട്ട്ലെറ്റുകള് മാളില് പ്രവര്ത്തിക്കുന്നുണ്ട്. ആരംഭം മുതല് വിവിധ അവാര്ഡുകളും കരസ്ഥമാക്കി.
സുപ്രസിദ്ധ സംഗീതജ്ഞനായ സ്റ്റീഫന് ദേവസിയുടെയും സംഘത്തിന്റെയും സംഗീതത്തോടെയാണ് മാളിന്റെ മൂന്നാം വാര്ഷികം ആഘോഷിച്ചത്. മാളില് ഏറ്റവുംമികച്ച പ്രകടനം കാഴ്ചവയ്ക്കുന്ന റീട്ടെയിലര്മാര്ക്ക് 29 മേഖലകളിലായി നല്കുന്ന വാര്ഷിക ലുലു റീട്ടെയില് അവാര്ഡുകള് വിതരണം ചെയ്തു. ലുലു സിഎഫ്ഒ ശേഖര്, പ്രോജക്ട് ഡയറക്ടര് ബാബു വര്ഗ്ഗീസ്, ലുലുമാള് ബിസിനസ് ഹെഡ് ഷിബു ഫിലിപ്സ്, ലുലു ഗ്രൂപ്പ്മാനേജര് വി.ആര്. പീതാംബരന്, ലുലു ഗ്രൂപ്പ് കൊമ്മേഷ്യല് മാനേജര് സാദിക് കാസിം, ലുലു ഹൈപ്പര് മാര്ക്കറ്റ് ജനറല് മാനേജര് സുധീഷ് നായര്, ലുലു സെലിബ്രേറ്റ് ഡയറക്ടര് അമീന് സേഠ്, ലുലു ഗ്രൂപ്പ് മീഡിയ കോ-ഓര്ഡിനേറ്റര് എന്.ബി. സ്വരാജ്, മാള് അസി. മാനേജര് കെ.കെ. ഷരീഫ്, ലുലു ഫിനാന്സ് മാനേജര് സിബി തോമസ്, സ്പാര്കീസ് മനേജര് എം. അംബികാപതി, എച്ച്ആര്-ജനറല് മാനേജര് ബാബു ജോസഫ്എന്നിവര് പ്രസംഗിച്ചു.
മാളിന്റെ സിഎസ്ആര് വിഭാഗമായ ലുലുസ് മൈല്സിന്റെ നേച്ചര് ഫസ്റ്റ് എന്ന പുതിയ കമ്മ്യൂണിറ്റി പ്രോഗ്രാമിന്റെ ലോഗോ ചടങ്ങില് സ്റ്റീഫന് ദേവസ്സി പ്രകാശനം ചെയ്തു. പരിസ്ഥിതി സംരക്ഷണം, വിഭവ സ്രോതസ്സുകളുടെ പുനഃരുപയോഗം എന്നിവയ്ക്കു ഊന്നല് നല്കി ലുലുമാള് നാലാംവര്ഷം പരിസ്ഥിതി സ്നേഹ പ്രചാരണങ്ങള്ക്കുവേണ്ടിസമര്പ്പിച്ചു.
ഈമാസം 13 വരെ മാളില് നിന്ന് 2,500 രൂപയ്ക്കു സാധനങ്ങള് വാങ്ങുന്നവര്ക്കായി ‘സ്പിന് & വിന്’ മത്സരം നടത്തി സമ്മാനങ്ങളും നല്കും. കൂടാതെ ലുലു ഹൈപര്മാര്ക്കറ്റ്, ഫാഷന് സ്റ്റോര്, ലുലു കണക്ട്എന്നിവയില് ഓഫറുകളുമുണ്ട്.
