ന്യൂദല്ഹി: ഇന്ത്യന് വ്യോമസേനയിലെ ആദ്യത്തെ വനിതാ പോര്വിമാന പൈലറ്റ് സംഘം ജൂണ് 18നു പരിശീലനം പൂര്ത്തിയാക്കി പുറത്തിറങ്ങും. എയര്ചീഫ് മാര്ഷല് അരൂപ് രാഹയാണ് ഇക്കാര്യം അറിയിച്ചത്. പരിശീലനം പൂര്ത്തിയാക്കുന്ന 3 വനിതാ പൈലറ്റുമാരുടെ പാസിങ്ങ് ഔട്ട് പരേഡ് ജൂണ് 18 ന് നടത്തുമെന്നും വ്യോയോമസേന മേധാവി അരൂപ് റാഹ അറിയിച്ചു.
മൂന്ന് വനിതാ പൈലറ്റുകളും അവരുടെ പരിശീലനത്തിന്റെ അന്തിമ ഘട്ടത്തിലാണെന്ന് അരൂപ് റാഹ വ്യക്തമാക്കി. മൂവരുടേയും പരിശീലനം പൂര്ത്തിയായി പുരുഷ സഹപ്രവര്ത്തകര്ക്കു തുല്യരായി കഴിഞ്ഞാല് അവരുടെ പാസിംഗ്ഔട്ട് പരേഡ് ജൂണ് 18നു നടത്താം. ഇതിനുശേഷം ഇവരെ യുദ്ധവിമാന വിഭാഗത്തിലേക്കു കമ്മീഷന് ചെയ്യുമെന്നും അരൂപ് രാഹ വ്യക്തമാക്കി.
ഇന്ത്യന് പോര്വിമാനങ്ങള് പറപ്പിക്കാന് വനിതകളേയും നിയോഗിക്കണമെന്ന ഇന്ത്യന് വ്യോമസേനയുടെ നിര്ദേശത്തിന് അംഗീകാരം നല്കിയ പ്രതിരോധമന്ത്രി മനോഹര് പരിക്കാറിന് രാഹ നന്ദി അറിയിച്ചു. ആര്മി മെഡിക്കല് കോര്പ്പ്സാണ് ആദ്യമായി വനിതകള്ക്ക് പ്രതിരോധമേഖലയില് സേവനം അനുഷ്ഠിക്കാനുള്ള അവസരം ഒരുക്കിക്കൊടുത്തതെന്നും രാഹ പറഞ്ഞു.
യുദ്ധവിമാനങ്ങള് പറത്താന് വ്യോമസേനയിലെ വനിതാ പൈലറ്റുകള്ക്കും അവസരം നല്കുമെന്ന് 83-ാമത് വ്യോമസേനാ ദിനത്തില് എയര്ചീഫ് മാര്ഷല് അരൂപ് രാഹ പ്രഖ്യാപിച്ചിരുന്നു. പിന്നാലെ പോര്വിമാനങ്ങളുടെ നിയന്ത്രണം വനിതകള്ക്ക് നല്കാനുള്ള നീക്കത്തിനു കേന്ദ്ര പ്രതിരോധ മന്ത്രാലയം അംഗീകാരം നല്കുകയായിരുന്നു.
