കല്പ്പറ്റ: മെയ് 16 ന് നടക്കുന്ന നിയമസഭാ തെരഞ്ഞെടുപ്പിനുള്ള ഒരുക്കങ്ങള് ജില്ലാ വരണാധികാരികൂടിയായ ജില്ലാ കളക്ടറുടെ നേതൃത്ത്വത്തില് തുടങ്ങി.നീതി പൂര്വ്വവും സമാധാനാപരവുമായ വോട്ടിങ്ങിനുള്ള എല്ലാ നടപടികളും സ്വീകരിക്കുമെന്ന് ജില്ലാ കളക്ടര് കേശവേന്ദ്രകുമാര് അറിയിച്ചു .പെരുമാറ്റ ചട്ടം നിലവില് വന്നതു മുതല് ഫലപ്രഖ്യാപനം വരുന്നതു വരെയുള്ള ഭരണപരവും സാങ്കേതികവുമായ എല്ലാ കാര്യങ്ങളും കുറ്റമറ്റ രീതിയില് ചെയ്യുന്നതിനുള്ള പരിശീലനങ്ങള് തുടര് ദിവസങ്ങളില് ഉദ്യോഗസ്ഥര്ക്ക് നല്കും.
തെരഞ്ഞെടുപ്പ് സുഗമമാക്കുന്നതിന് ജീവനക്കാരുടെ ഏകോപനത്തിനും വിവിധ ഘട്ടങ്ങളിലായുള്ള ഒരുക്കങ്ങള്ക്കുമായി ജില്ലാതലത്തില് 15 നോഡല് ഓഫീസര്മാരെ നിയോഗിച്ചു കൊണ്ട് ജില്ലാ കളക്ടര് ഉത്തരവിറക്കി.
വിവിധ ഘട്ടങ്ങളിലായി ആവശ്യമായ ഉദ്യോഗസ്ഥരുടെ നിയമനത്തിനും പുനര്വ്യന്യസനത്തിനും മാന്പവര് മാനേജ്മെന്റ് നോഡല് ഓഫീസറായി ഹുസൂര് ശിരസ്തദാര് ഐ.പി.പോള് അലക്സാണ്ടര്, ഇലക്ട്രോണിക് വോട്ടിങ്ങ് യന്ത്രങ്ങളുടെ സൂക്ഷിപ്പ് ,സുരക്ഷാ പരിശോധന, മുദ്ര പതിപ്പിക്കല്, ഇ.വി.എം. ഡാറ്റാ മാനേജ് മെന്റ് തുടങ്ങിയ പ്രവൃത്തികള്ക്കുള്ള നോഡല് ഓഫീസറായി മാനന്തവാടി അഡീഷണല് തഹസില്ദാര് മേഴ്സി.ഇ.പിയെയും നിയമിച്ചു.ട്രാന്സ് പോര്ട്ട് നോഡല് ഓഫീസര് ഡെപ്യൂട്ടി കളക്ടര് (ആര്.ആര്) പ്രഭാവതി .പി.കെ, ട്രെയിനിങ്ങ് മാനേജ്മെന്റ് നോഡല് ഓഫീസര് സ്യൂട്ട് സെല് സീനിയര് സൂപ്രണ്ട് വിജയലക്ഷ്മി, മെറ്റീയരിയല് മാനേജ്മെന്റ് നോഡല് ഓഫീസര് സ്പെഷ്യല് ഡെപ്യൂട്ടി കളക്ടര് എല്.എ തങ്കച്ചന് ആന്റണി എന്നിവരെയും നിയമിച്ചു.
തെരഞ്ഞെടുപ്പ് പെരുമാറ്റ ചട്ട ലംഘനം, ലോ ആന്റ് ഓര്ഡര് നോഡല് ഓഫീസര് എ.ഡി.എം സി.എം.മുരളീധരന് .എസ്പെന്ഡീച്ചര് നോഡല് ഓഫീസറായി ഫിനാന്സ് ഓഫീസര് എം.കെ.രാജന് ,ഒബ്സര്വേര്സ് നോഡല് ഓഫീസര് പി.എ.യു പ്രൊജക്ട് ഡയറക്ടര് പി.ജി.വിജയകമുാര് ,ബാലറ്റ് നോഡല് ഓഫീസറായി ജില്ലാ ലോ ഓഫീസര് എസ്.സജീവന്,
മീഡിയ സര്ട്ടിഫിക്കേഷന് ആന്റ് മോണിറ്ററിങ്ങ് കമ്മറ്റി നോഡല് ഓഫീസറായി ജില്ലാ ഇന്ഫര്മേഷന് ഓഫീസര് പി.റഷീദ് ബാബു, കമ്പ്യൂട്ടറൈസേഷന് നോഡല് ഓഫീസറായി എന്.ഐ.സി. ജില്ലാ ഓഫീസര് ഇ.കെ. സൈമണ്, എസ്.വി.ഇ.ഇ.പി നോഡല് ഓഫീസറായി നോര്ത്ത് വയനാട് ഡി.എഫ്.ഒ നരേന്ദ്രനാഥ് വേളൂരി ,ഹെല്പ്പ് ലൈന് ആന്റ് കംപ്ലെയിന്റ് രിഡ്രസ്സല് നോഡല് ഓഫീസര് ഐ.പി.പോള് അലക്സാണ്ടര്, എസ്.എം.എസ് മോണിറ്ററിങ്ങ് നോഡല് ഓഫീസറായിഎന്.ഐ. സി അസിസ്റ്റന്റ്സുധീഷ് എം.വിജയന് എന്നിവരെനിയമിച്ചു.
