മരട്: കരള് ചുരുങ്ങിപ്പോകുന്ന അപൂര്വ അസുഖം ബാധിച്ച പിഞ്ചുകുഞ്ഞ് കരള്മാറ്റ ശസ്ത്രക്രിയയ്ക്കായി സഹായം തേടുന്നു. മരട് സൊസൈറ്റി റോഡ് കൊടവംതുരുത്തി വീട്ടില് കെ.ആര്. സുനില്കുമാറിന്റെയും രേവതിയുടെയും നാലു മാസം പ്രായമായ മകന് അദ്യുതാണ് സഹായം തേടുന്നത്. കുട്ടിക്ക് മഞ്ഞപ്പിത്തവും പനിയും തുടര്ച്ചയായി വന്നപ്പോള് നടത്തിയ വിശദ പരിശോധനയിലാണ് അസുഖം കണ്ടെത്തിയതെന്ന് കൊച്ചി അമൃത ഇന്സ്റ്റിറ്റിയൂട്ട് ഓഫ് മെഡിക്കല് സയന്സസിലെ ഗാസ്ട്രോ വിഭാഗം അസോസിയേറ്റ് പ്രഫ. ഡോ. എം. ഗീത പറയുന്നു. കരള് മാറ്റി വയ്ക്കുക മാത്രമാണ് പ്രതിവിധി. പിഞ്ചു കുഞ്ഞായതിനാല് ശസ്ത്രക്രിയയും സങ്കീര്ണമാണ്. എങ്കിലും ഒരു മാസത്തിനുള്ളില് മാറ്റി വയ്ക്കണം. തീവ്ര പരിചരണ വിഭാഗത്തിലാണിപ്പോള്. അമ്മ രേവതിയുടെ കരള് യോജിക്കുന്നതാണെന്ന് കണ്ടെത്തിയിട്ടുണ്ട്. ജീവന്റെ ജീവനായ കുഞ്ഞിനായി പരിചരണവും കരള് നല്കാന് തയാറെടുപ്പുമായി രേവതിയും ആശുപത്രിയിലാണ്. ഏകദേശം 15 ലക്ഷമാണ് ചെലവ് കണക്കാക്കുന്നത്. മരപ്പണിക്കാരനായ സുനില്കുമാറിന് ഇത്രയും വലിയ തുക കണ്ടെത്താന് പ്രയാസമാണ്. നാലുമാസം പ്രായമായ അദ്യുതിന്റെ ചേച്ചി ആര്യനന്ദ നെട്ടൂര് സെന്റ് മറിയ ഗൊരട്ടി പബ്ലിക് സ്കൂളില് ഒന്നാം ക്ലാസില് പഠിക്കുന്നു. അദ്യുതിന്റെ ജീവന് രക്ഷിക്കുന്നതിനായി മരട് നഗരസഭാധ്യക്ഷ അജിത നന്ദകമാര് കണ്വീനറായി ചികില്സാ സഹായ സമിതി പ്രവര്ത്തനം തുടങ്ങി. സൗത്ത് ഇന്ത്യന് അദ്യുതിന്റെ അച്ഛന് സുനില്കുമാര് കെ.ആര്.ന്റെയും മരട് നഗരസഭാധ്യക്ഷ അജിത നന്ദകമാറിന്റെയും പേരില് ബാങ്കിന്റെ മരട് ശാഖയില് ജോയിന്റ് അക്കൗണ്ട് തുറന്നിട്ടുണ്ട്. നമ്പര് : 0677053000002567. ഐഎഫ്എസ് കോഡ്: എസ്ഐബിഎല് 0000677. സുനില്കുമാറിന്റെ ഫോണ്: 8089642615.
കരള് പകുത്ത് നല്കാന് അമ്മ; പിഞ്ചുകുഞ്ഞിനായി ഒരു നാടിന്റെ പ്രാര്ത്ഥന
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.