കണ്ണൂര്: അഴീക്കല് പോര്ട്ട് എന്ന ബൃഹത് പദ്ധതിയുമായി ബന്ധപ്പെട്ട് നിരവധി പ്രഖ്യാപനങ്ങളും വാഗ്ദ്ധാനങ്ങളും നടന്നുവെന്നതൊഴിച്ചാല് പദ്ധതി പ്രാവര്ത്തികമാക്കുന്നതിന് വേണ്ടി വിശദമായ ഒരു പഠനം പോലും ഇതുവരെ ഉണ്ടായിട്ടില്ലെന്ന് റിട്ട.റിയര് അഡ്മിറല് കെ. മോഹനന് പറഞ്ഞു. ഒരു വര്ഷം മുമ്പ് ഇക്കാര്യം മുഖ്യമന്ത്രിയുടെ ശ്രദ്ധയില്പ്പെടുത്തിയപ്പോള് അദ്ദേഹം സമഗ്രമായ ഒരു പഠനറിപ്പോര്ട്ട് തയ്യാറാക്കുന്നതിനായി 90 ലക്ഷം രൂപ അനുവദിക്കുകയും ചെയ്തു. എന്നാല് ഇത് വരെ ഒരു പഠനം പോലും നടന്നിട്ടില്ല. കണ്ണൂര് വിമാനത്താവളം പോലെ തന്നെ പതിറ്റാണ്ടുകളായുള്ള മലബാറുകാരുടെ മറ്റൊരു ആവശ്യമാണ് അഴീക്കല് പോര്ട്ട്. കഴിഞ്ഞ ദിവസം ബജറ്റില് പോലും മുഖ്യമന്ത്രി അഴീക്കല് തുറമുഖം മേജര് പോര്ട്ടായി വികസിപ്പിക്കുമെന്ന് പറഞ്ഞിരുന്നു. പക്ഷെ ഇത് എങ്ങനെ യാഥാര്ത്ഥ്യമാകുമെന്നതിനെ കുറിച്ച് യാതൊരു മുന്ധാരണയുമില്ലെന്നത് വ്യക്തമാണ്. വെറും പതിനഞ്ച് ഏക്കറില് താഴെ സ്ഥലം മാത്രമെ പോര്ട്ട് അധികൃതരുടെ കൈവശമുള്ളുവെന്നതാണ് വസ്തുത. മേജര് പോര്ട്ടാക്കുന്നതിന് ആയിരത്തില്പ്പരം ഏക്കര് സ്ഥലം ആവശ്യമാണ്. അഴീക്കല് ഹാര്ബര് സംരക്ഷണത്തിനായി തെക്ക്, പടിഞ്ഞാറ് ഭാഗങ്ങളിലായി ബ്രേക്ക്വാട്ടര് നിര്മ്മിച്ചതിനെ തുടര്ന്ന് 150-200 ഏക്കറോളം സ്ഥലം കിട്ടിയിട്ടുണ്ട്. ഇത് നിലവില് റവന്യു അധികൃതരുടെ കൈയ്യിലാണ്. ഈ സ്ഥലം പോര്ട്ടിനായി വിട്ടുകിട്ടിയാല് കേന്ദ്രസര്ക്കാരിന് മുന്നില് നമ്മുക്ക് വിശദമായൊരു പ്ലാനിങ്ങോട് കൂടി പദ്ധതി സമര്പ്പിക്കുകയും അഞ്ച് വര്ഷത്തിനുള്ള തുറമുഖം എല്ലാ പ്രൗഡിയോടെയും യാഥാര്ത്ഥ്യമാക്കുവാനും സാധിക്കും.ഇത്തരത്തില് നിരവധി കാര്യങ്ങള് ഇതുമായി ബന്ധപ്പെട്ട് ചെയ്യാനുണ്ട്. ഇത് അധികൃതരുടെ ശ്രദ്ധയില്പ്പെടുത്താന് ദിശ(ഡെവലപ്പിങ്ങ് ഇന്ഫ്രാസ്ട്രക്ച്ചര് സൈന്റിഫിക്കലി ആന്റ് അസ്തറ്റിക്കലി)മുന്കൈയ്യെടുക്കാന് തീരുമാനിച്ചിരിക്കുകയാണെന്നും ദിശയുടെ ഭാരവാഹി കൂടിയായ കെ മോഹനന് പത്രസമ്മേളനത്തില് പറഞ്ഞു. എല്ലാ അധികാരങ്ങളോട് കൂടി തുറമുഖ, ഹാര്ബര് ജില്ലാ ഭരണകൂടവുമായി ഇടപഴകി പ്രവര്ത്തിക്കുവാന് കഴിയുന്ന സ്പെഷ്യല് ഓഫീസര് നിയമനം വളരെ അത്യാവശ്യമാണ്. ഇദ്ദേഹത്തെ സഹായിക്കാന് ഒരു ഉപദേശകസമിതിയും ആവശ്യമായ ഓഫീസ് സ്റ്റാഫ് സൗകര്യവും ഒരുക്കേണ്ടതുണ്ട്. രണ്ട് കരകളിലുമായി അഴിമുഖം മുതല് ഇപ്പോഴുള്ള വാര്ഫ് വരെയുള്ള സ്ഥലം പോര്ട്ട് ഏരിയായി നോട്ടിഫൈ ചെയ്യണം, റവന്യുവകുപ്പിന്റെ കൈവശമുള്ള 200 ഏക്കര് സ്ഥലം എല്ലാ നടപടികളും പൂര്ത്തിയാക്കി തുറമുഖ അധികൃതര്ക്ക് കൈമാറുകയും ഇത്രയും സ്ഥലം കൈവശമുണ്ടെന്ന റിപ്പോര്ട്ട് കേന്ദ്രസര്ക്കാരിനെ അറിയിക്കാനും സാധിക്കണം, പയ്യാമൊഴി കമ്മിറ്റിയോട് ജില്ലാ ഭരണകൂടം അറിയിച്ച 1300 ഏക്കര് സ്ഥലം അക്വയര് ചെയ്യുവാനുള്ള നടപടികളെടുക്കണം. 13 പഠന റിപ്പോര്ട്ടുകള് സര്ക്കാറിതര സ്വകാര്യ സ്ഥാപനങ്ങളെക്കൂടി ചേര്ത്ത് ഉടനടി പൂര്ത്തിയാക്കി പോര്ട്ടിന്റെ ടെക്നിക്കല് ആന്റ് ഇക്കണോമിക് ഫീസിബിലിറ്റി റിപ്പോര്ട്ട് തയ്യാറാക്കണം. പഠനങ്ങളുടെ അടിസ്ഥാനത്തില് ഒരു മാസ്റ്റര് പ്ലാന് തയ്യാറാക്കി പ്രവര്ത്തിക്കണം. ഇതോടൊപ്പം റെയില്, റോഡ് സൗകര്യങ്ങള് പോര്ട്ടിനെ ബന്ധപ്പെടുത്തി
അഴീക്കല് തുറമുഖം മേജര് പോര്ട്ടായി വികസിപ്പിക്കുമെന്ന മുഖ്യമന്ത്രിയുടെ പ്രഖ്യാപനം : യാതൊരു മുന്ധാരണയുമില്ലാതെ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.