പറവൂര്: ഹിന്ദു ഐക്യവേദി പറവൂര് താലൂക്ക് സമിതിയുടെ നേതൃത്വത്തില് നടക്കുന്ന ‘പറവൂര് ഹിന്ദു മഹാസംഗമം 2016 ‘ ഇന്ന് നടക്കും. വൈകീട്ട് 5ന് ഷഫാസ് തീയേറ്ററിന് സമീപമുള്ള (കേണല് നിരഞ്ജന് നഗര്) ഗ്രൗണ്ടിലാണ് സമ്മേളനം നടക്കുന്നത്. 4ന് പെരുവാരം ക്ഷേത്ര നടയില് നിന്ന് മഹാഘോഷയാത്ര നടക്കും. സ്ത്രീകള് അടക്കം പതിനായിരങ്ങള് പങ്കെടുക്കും. പഞ്ചവാദ്യം, ചെണ്ടമേളം, തെയ്യം, കാവടി, നിശ്ചല ദൃശ്യങ്ങള്, നാടന് കലാരൂപങ്ങള് എന്നിവ ഘോഷയാത്രയില് അണിനിരക്കും.
അഞ്ചിന് നടക്കുന്ന സമ്മേളനത്തില് ആയിരം സ്ത്രീകള് ഒരുമിച്ച് ‘ദൈവദശകം’ ആലപിക്കും. എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് സംഗമം ഉദ്ഘാടനം ചെയ്യും. ഹിന്ദുമഹാസംഗമം സ്വാഗതസംഘം അദ്ധ്യക്ഷന് സി.എന്. രാധാകൃഷ്ണന് അദ്ധ്യക്ഷത വഹിക്കും. ഹിന്ദു ഐക്യവേദി സംസ്ഥാന പ്രസിഡന്റ് കെ.പി. ശശികല ടീച്ചര് മുഖ്യ പ്രഭാഷണം നടത്തും. ആര്എസ്എസ് പ്രാന്ത സംഘചാലക് പി.ഇ.ബി. മേനോന്, സിനിമ സംവിധായകന് മേജര് രവി, കെപിഎംഎസ് സംസ്ഥാന ജനറല് സെക്രട്ടറി ടി.വി. ബാബു, ആഴ് വാഞ്ചേരി തമ്പ്രാക്കള്, പറവൂര് തമ്പുരാന്, കോവില്മല രാജാവ് രാമന് രാജമന്നാന്, രാമന് കൊയ്യാന് എന്നിവര് പങ്കെടുക്കും.
