മട്ടാഞ്ചേരി: കൊച്ചി കോടതിയുടെ തകര്‍ന്ന പഴയ കെട്ടിടം നവീകരിക്കുന്നു. മട്ടാഞ്ചേരി ക്ഷേത്ര കൊട്ടാരവളപ്പിലെ പഴയകാല കോടതി കെട്ടിടമാണ് നവീകരിച്ച് വീണ്ടും പ്രവര്‍ത്തനസജ്ജമാക്കുന്നത്. കഴിഞ്ഞ ഒരു വ്യാഴവട്ടത്തിനിടയില്‍ വിലപ്പിടിപ്പുള്ള മരുഉരുപ്പടികളടക്കമുള്ള വസ്തുക്കള്‍ മോഷ്ടിക്കപ്പെട്ടും സാമൂഹ്യ വിരുദ്ധരുടെ താവളമായും നാല്‍ക്കാലികളുടെയും ഇഴജന്തുക്കളുടെയും വിഹാര കേന്ദ്രമായി അവഗണിക്കപ്പെട്ട് കിടക്കുകയായിരുന്ന പഴയ കോടതി കെട്ടിടം. നവീകരണ ശേഷം തോപ്പുംപ്പടിയിലുള്ള കൊച്ചി കോടതി സമുച്ചയത്തില്‍ നിന്ന് രണ്ട് കോടതികള്‍ ഇവിടെയേക്ക് പ്രവര്‍ത്തനം മാറ്റുമെന്നാണ് അധികൃതര്‍ പറയുന്നത്. അഞ്ചരകോടി രൂപ ചിലവഴിച്ചാണ് കോടതി നവീകരിക്കുന്നതെന്ന് ഡോമനിക് പ്രസന്റേഷന്‍ എംഎല്‍എ പറഞ്ഞു. 12,000 ചതുരശ്ര അടിയില്‍ രണ്ട് കോടതി മുറി രണ്ട് ഓഫീസ് മുറി രണ്ട് ജഡ്ജിമാര്‍ക്കുള്ള വിശ്രമ മുറി എന്നിവയാണ് നവീകരണ ശേഷമുണ്ടാകുക. ഒരു വര്‍ഷത്തിനകം നവീകരണം പൂര്‍ത്തിയാക്കാനാണ് ലക്ഷ്യമിടുന്നത്. കോടതി വളപ്പിലെ മരങ്ങള്‍ നീക്കം ചെയ്യുന്ന പ്രവര്‍ത്തനം ആദ്യഘട്ടത്തില്‍ നടക്കും. 27ന് രാവിലെ നവീകരണ പ്രവര്‍ത്തനം ഉദ്ഘാടനം നടക്കും. തകര്‍ന്ന പഴയ കോടതി കെട്ടിടം ഡോമനിക് പ്രസന്റേഷന്‍ എംഎല്‍എ കൗണ്‍സിലര്‍ ടി.കെ. അഷറഫ്. കോടതി മുന്‍സിഫുമാര്‍ ബാര്‍ അസോസിയേഷന്‍ പ്രതിനിധികള്‍, പൊതുമരാമത്ത് വകുപ്പ് ഉേദ്യാഗസ്ഥര്‍ തുടങ്ങിയവര്‍ സന്ദര്‍ശിച്ചു.
തകര്‍ന്നകോടതി കെട്ടിടം നവീകരിക്കുന്നു; മട്ടാഞ്ചേരിയില്‍ വീണ്ടും രണ്ട് കോടതികള്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.