കാസര്കോട്: ഏകാത്മ മാനവ ദര്ശനം ലോകത്തിന് പകര്ന്ന് നല്കിയ മഹാനായിരുന്നു ദീന് ദയാല് ഉപാധ്യായയെന്ന് ബിജെപി ജില്ലാ ജനറല് സെക്രട്ടറി പി.രമേശ് പറഞ്ഞു. ലോകം കണ്ടതില് വെച്ച് ഏറ്റവും വലിയ സൈദ്ധാന്തികനായിരുന്നു അദ്ദേഹം. ഓരോ വ്യക്തിയുടെയും സര്വ്വന്മുഖമായ വികസനത്തിന്റെ കൂടെ രാഷ്ട്ര വികസനവും സാധ്യമാകണമെന്ന് ആഗ്രഹിച്ചിരുന്ന വ്യക്തിയാണ് ഉപാധ്യായ. ഏറ്റവും താഴെ തട്ടിലുള്ള ഏറ്റവും പാവപ്പെട്ട ആള്ക്കാണ് ആദ്യം സഹായം എത്തിക്കേണ്ടതെന്ന് വിശ്വസിച്ചിരുന്ന വ്യക്തി കൂടിയാണ് അദ്ദേഹം. ദീന് ദയാല് ഉപാധ്യായയുടെ ബലിദാന ദിനാചരണം കാസര്കോട് കോ-ഓപ്പറേറ്റീവ് ബാങ്ക് ഹാളില് ഉദ്ഘാടനം ചെയ്ത് സംസാരിക്കുകയായിരുന്നു രമേശ്. വീരചരമം പ്രാപിച്ച ഹനുമന്തപ്പയുടെ ആത്മാവിന്റെ നിത്യാശാന്തിക്കായി പ്രാര്ത്ഥിച്ചു. ബിജെപി മുനിസിപ്പല് കമ്മറ്റി പ്രസിഡണ്ട് എ.സതീശ് അദ്ധ്യക്ഷത വഹിച്ചു. സെക്രട്ടറി ഗുരുപ്രസാദ് പ്രഭു സ്വാഗതവും, കൗണ്സിലര് എ.ജിമനോഹരന് നന്ദിയും പറഞ്ഞു.
കാഞ്ഞങ്ങാട്: പണ്ഡിറ്റ് ദീന് ദയാല് ഉപാധ്യായ സ്മൃതിദിനത്തോടനുബന്ധിച്ച് ബിജെപി കാഞ്ഞങ്ങാട് നിയോജക മണ്ഡലം കമ്മറ്റിയുടെ ആഭിമുഖ്യത്തില് ഹൊസ്ദൂര്ഗ് മാരാര്ജി മന്ദിരത്തില് അനുസ്മരണ യോഗം ദേശീയ സമിതി അംഗം മടിക്കൈ കമ്മാരന് നിലവിളക്ക് കൊളുത്തി ഉദ്ഘാടനം ചെയ്തു. മണ്ഡലം പ്രസിഡണ്ട് ഇ.കൃഷ്ണന് അധ്യക്ഷത വഹിച്ചു. ജില്ലാ ജനറല് സെക്രട്ടറി എ.വേലായുധന്, വൈസ് പ്രസിഡണ്ട് കൊവ്വല് ദാമോദരന് സംസാരിച്ചു.
കുമ്പള: ബിജെപി കുമ്പള പഞ്ചായത്ത് കമ്മറ്റിയുടെ ആഭിമുഖ്യത്തില് നടന്ന ദീനദയാല് ഉപാധ്യായ സ്മൃതിദിനം ബിജെപി മഞ്ചേശ്വരം മണ്ഡലം ജനറല് സെക്രട്ടറി കെ.മുരളീധരയാദവ് ഉദ്ഘാടനം ചെയ്തു. അതുല്ല്യനായ നേതാവായിരുന്നു ദീനധയാല് ഉപാധ്യായയെന്നും, അദ്ദേഹത്തിന്റെ ഏറ്റവും വലിയ പ്രത്യേകത ജീവിതത്തില് അദ്ദേഹം പുലര്ത്തിയ ലാളിത്യമായിരുന്നുവെന്നും മുരളീധരയാദവ് പറഞ്ഞു.
ബിജെപി കുമ്പള പഞ്ചായത്ത് പ്രസിഡന്റ് ശങ്കര ആള്വ, വൈസ് പ്രസിഡന്റുമാരായ കെ.വിനോദന്, ബാബുഗട്ടി, പഞ്ചായത്ത് സെക്രട്ടറിമാരായ കമലാക്ഷ ആരിക്കാടി, മധുസൂദനന്, ഗ്രാമപഞ്ചായത്ത് അംഗങ്ങളായ രമേഷ്ഭട്ട്, ഹരീഷ്ഗട്ടി, പുഷ്പലത, സുജിത്ത്റൈ, ശങ്കര, അനില്ഷെട്ടി, ശശി കുമ്പള, വേണുഗോപാലന് എന്നിവര് സംസാരിച്ചു. ബിജെപി പഞ്ചായത്ത് ജനറല് സെക്രട്ടറി കെ.വസന്തകുമാര് സ്വാഗതവും, പഞ്ചായത്ത് സെക്രട്ടറി സുബ്രഹ്മണ്യ നായ്ക് നന്ദിയും പറഞ്ഞു.
പൊയിനാച്ചി: ബിജെപി ഉദുമ നിയോജക മണ്ഡലം കമ്മറ്റിയുടെ ആഭിമുഖ്യത്തില് പൊയിനാച്ചി മണ്ഡലം കമ്മറ്റി ഓഫീസില് ജനസംഘത്തിന്റെ സ്ഥാപക നേതാവായ ദീനദയാല് ഉപാധ്യായയുടെ അനുസ്മരണ യോഗവും, പുഷ്പാര്ച്ചനയും നടത്തി. ബിജെപി ജില്ലാ വൈസ് പ്രസിഡന്റ് നഞ്ചില് കുഞ്ഞിരാമന് വിളക്ക് കൊളുത്തി ഉദ്ഘാടനം ചെയ്തു. മണ്ഡലം പ്രസിഡന്റ് പുല്ലൂര് കുഞ്ഞിരാമന് അധ്യക്ഷത വഹിച്ചു. മണ്ഡലം ട്രഷറര് എടപ്പണി ബാലകൃഷ്ണന്, യുവമോര്ച്ച ജില്ലാ ജനറല് സെക്രട്ടറി രാജേഷ്, എ.കെ.നാരായണന്, ബാബു പൊയിനാച്ചി, ഭാസ്കരന് പൊയിനാച്ചി തുടങ്ങിയവര് സംസാരിച്ചു.
