തിരുവനന്തപുരം: ഗവേഷകര്ക്കും ഉന്ന വിദ്യാഭ്യാസം ആഗ്രഹിക്കുന്ന വിദ്യാര്ത്ഥികള്ക്കും പുതിയ ജര്മന് വിദ്യാഭ്യാസത്തില് പുതിയ മേഖലയൊരുക്കി ജര്മന് ഹൗസ് ഫോര് റിസര്ച്ച് ആന്റ് ഇന്നവേഷന് (ഡിഡബ്ല്യുഐഎച്ച്). ദല്ഹി കേന്ദ്രമാക്കി പ്രര്ത്തിച്ചുവരുന്ന ഡിഡബ്ല്യുഐഎച്ച് കേരളത്തിലും പ്രവര്ത്തനം ആരംഭിച്ചു.
ജര്മ്മന് ശാസ്ത്ര ഗവേഷണ രംഗത്തേക്ക് ഇന്ത്യന് വിദ്യാര്ത്ഥികളെ പങ്കാളികളാക്കുക എന്നതാണ് ഡിഡബ്ല്യുഐഎച്ചിന്റെ ലക്ഷ്യം. ഇത് സംബന്ധിച്ച് കേരളത്തിലെ വിവിധ യൂണിവേഴ്സിറ്റികളിലെ ഗവേഷണ വിദ്യാര്ത്ഥികളുമായി ലൈഫ് ഇന് ജര്മനി, റിസര്ച്ച് എക്സ്പീരിയന്സ് ആന്റ് സോഷ്യല് എക്സ്പീരിയന്സിലെ ജര്മന് പ്രതിനിധികളുമായി ചര്ച്ചകള് നടന്നു. ജര്മനിയിലെ പഠനം, ഗവേഷണം ഫണ്ടിങ് എന്നിവയെ കുറിച്ചുള്ള പ്രസന്റേഷനുകളോട് കൂടിയതായിരുന്നു ചര്ച്ച. സദസ്സുമായി സംവദിച്ച സംഘം ഇന്ത്യന് വിദ്യാര്ത്ഥികള്, ശാസ്ത്രജ്ഞര്, ഗവേഷകര് എന്നിവര്ക്ക് ജര്മനിയില് തങ്ങളുടെ കരിയര് വികസിപ്പിക്കുന്നതിന് ആവശ്യമായ എല്ലാ വിവരങ്ങളും കൈമാറി.
ജര്മനിയിലെ റിസര്ച്ച് ആന്റ് ഇന്നവേഷനെ കുറിച്ചുള്ള മതിയായ പ്രാഥമിക വിവരങ്ങള് പ്രദാനം ചെയ്യുകയും തുടര്ന്ന് സയന്സ് ആന്റ് ഹയര് എജ്യുക്കേഷന് മേഖലയില് നിലവിലുള്ള ഇന്ത്യ-ജര്മനി സഹകരണം വര്ദ്ധിപ്പിക്കുക തുടങ്ങിയ ലക്ഷ്യങ്ങള് മുന്നിര്ത്തിയാണ് പരിപാടിസംഘടിപ്പിച്ചത്. ഗവേഷണ വിദ്യാര്ത്ഥികള്ക്കും ജര്മ്മനിയില് ഉന്നതവിദ്യാഭ്യാസം ആഗ്രഹിക്കുന്നവര്ക്കും വേണ്ട മാര്ഗ്ഗ നിര്ദ്ദേശങ്ങള് നല്കുക എന്നതാണ് ഡിഡബ്ല്യുഐഎച്ച് ഉദ്ദേശിക്കുന്നത്.
