കാഞ്ഞങ്ങാട്: അജാനൂര് പഞ്ചായത്തിലെ കുശവന് കുന്ന് പ്രദേശത്ത് സമാധാന അന്ത്രരീക്ഷം തകര്ക്കാന് സിപിഎം നിരന്തരം ശ്രമിക്കുകയാണെന്ന് ബിജെപി അജാനൂര് പഞ്ചായത്ത് കമ്മറ്റി ആരോപിച്ചു.
സിപിഎം പ്രവര്ത്തകരുടെ ഈ ശ്രമം അപലപനീയവും പ്രതിഷേധാര്ഹവുമാണെന്ന് കമ്മറ്റി പ്രസ്താവിച്ചു. സമാധാനപരമായി പ്രവര്ത്തനം നടക്കുന്ന കുശവന് കുന്ന് പ്രദേശത്തെ ബിഎംഎസ് തൊഴില് മേഖലയില് നുഴഞ്ഞ് കയറി പ്രശ്നങ്ങള് സൃഷ്ടിക്കാനുള്ള സിപിഎം, സിഐടിയു പ്രവര്ത്തകരുടെ തന്ത്രം പ്രദേശ വാസികള് ഒറ്റക്കെട്ടായി ചെറുത്ത് തോല്പ്പിച്ചതിന്റെ ജാള്യത മറക്കാന് പാര്ട്ടി ഓഫീസിന്റെ ജനല് ചില്ലുകള് സ്വയം എറിഞ്ഞുടച്ച് കൊണ്ട് ബിജെപിക്കെതിരെയും ആര്എസ്എസിനെതിരെയും പ്രകടനവും പൊതുയോഗവും നടത്തേണ്ട ഗതികേടാണ് സിപിഎം നേതൃത്വത്തിനുണ്ടായിരിക്കുന്നത്.
ഇത്തരം പ്രവര്ത്തനം മൂലം ജനങ്ങളുടെ മുന്നില് അപഹാസ്യരായി തീര്ന്നിരിക്കുകയാണ് സിപിഎം ഇപ്പോള്. കിഴക്കുംകരയിലെ ജനങ്ങള് ഈ തട്ടിപ്പ് തിരിച്ചറിഞ്ഞതും സിപിഎമ്മിന് നാണക്കേടായിരിക്കുകായാണ്. ഇനിയെങ്കിലും ഇത്തരം പ്രവര്ത്തികളില് നിന്ന് സിപിഎം പിന്തിരിയണമെന്ന് ബിജെപി പ്രസ്താവനയിലൂടെ ആവശ്യപ്പെട്ടു.
