തിരുവനന്തപുരം: ഇടത് വലത് മുന്നണികളുടെ മാറിമാറിയുള്ള ഭരണം കേരളത്തെ കോഴയുടെ നാടാക്കി മാറ്റിയെന്ന് കുമ്മനം രാജശേഖരന്. സംസ്ഥാനത്ത് ഒരു വ്യവസായം തുടങ്ങണമെങ്കില് ലക്ഷങ്ങള് കോഴയിനത്തില് നല്കണം. കേരളരാഷ്ട്രീയത്തില് നടമാടിക്കൊണ്ടിരിക്കുന്ന സോളാര് കോഴയിടപാട് ഇതിന് ഏറ്റവും ഒടുവിലത്തെ ഉദാഹരണമാണെന്നും കുമ്മനം പറഞ്ഞു. വിമോചനയാത്രയ്ക്ക് വര്ക്കലയില് നല്കിയ സ്വീകരണയോഗത്തില് സംസാരിക്കുകയായിരുന്നു അദ്ദേഹം.
കൈക്കൂലി കേരളത്തില് സാധാരണ രീതിയായി മാറുന്നു. പത്ത് കിലോമീറ്റര് റോഡ് ടാര് ചെയ്യണമെങ്കില് അടങ്കല് തുകയുടെ അമ്പത് ശതമാനവും കൈക്കൂലിയിനത്തില് കരാറുകാരന് നല്കണം. ഈ കൈക്കൂലി കൂടി കണക്കാക്കിയാണ് പദ്ധതികളുടെ എസ്റ്റിമേറ്റ് തയ്യാറാക്കുന്നത്. ഇരുമുന്നണികളുടേയും ഭരണകര്ത്താക്കളുടെ ഒത്താശയോടെയാണ് ഇത് നടന്നുവരുന്നത്. തട്ടിപ്പിന്റെ ആശാന്മാരായി ഇവര് മാറിക്കഴിഞ്ഞു.
കേന്ദ്ര പദ്ധതികളൊന്നും യാഥാവണ്ണം കേരളത്തില് നടപ്പിലാക്കുന്നില്ല. കേന്ദ്ര ബജറ്റിനു മുന്നോടിയായി വിളിച്ചു ചേര്ത്ത ധനമന്ത്രിമാരുടെ യോഗത്തില് കേരളത്തില് നിന്നും ആരും പങ്കെടുത്തില്ല. മറ്റ് സംസ്ഥാനങ്ങളിലെ ധന മന്ത്രിമാര് യോഗത്തില് പങ്കെടുത്ത് സംസ്ഥാനത്തിന്റെ ആവശ്യങ്ങളെക്കുറിച്ച് കേന്ദ്രത്തെ ധരിപ്പിച്ചു. കേരളത്തിന്റെ ആവശ്യം എന്തെന്ന് പറയാതെ കേന്ദ്രം ഒന്നും ചെയ്യുന്നില്ലെന്ന് പ്രസംഗിച്ച് നടക്കാന് വേണ്ടിയാണ് യോഗത്തില് പങ്കെടുക്കാതിരുന്നത്. മറ്റ് സംസ്ഥാനങ്ങളെല്ലാം ദേശീയതയോട് ചേര്ന്ന് പോകുമ്പോള് കേരളം അതിനു വിരുദ്ധമായാണ് പലപ്പോഴും ചിന്തിക്കുന്നത്. കഴിഞ്ഞ റിപ്പബ്ലിക് ദിന പരേഡില് കേരളത്തിന്റേതായ ഒരു ഫ്ളോട്ടും ഉണ്ടായിരുന്നില്ല. കേന്ദ്രത്തിനു നല്കിയ ലിസ്റ്റ് പ്രകാരം ശബരിമലയുടെ മാതൃകയിലുള്ള ഫ്ളോട്ടിനു അനുമതി നല്കിയിരുന്നു. മതത്തിന്റെ പ്രശ്നം പറഞ്ഞ് ഫ്ളോട്ട് വേണ്ടെന്ന് വയ്ക്കുകയായിരുന്നു. ശബരിമലയെ ദേശീയ തീര്ത്ഥാടന കേന്ദ്രം ആക്കണമെന്ന് പറഞ്ഞു നടക്കുന്ന സര്ക്കാരാണ് ശബരിമലയുടെ മാതൃകയിലെ ഫ്ളോട്ട് വേണ്ടെന്ന് വച്ചത്.
ഇരുമുന്നണികളും അവരവരുടെ കേസുകള് ഒതുക്കി തീര്ക്കുവാന് മത്സരിക്കുകയാണ്. ടി.പി ചന്ദ്രശേഖരനെ വെട്ടിക്കൊന്ന കേസ് സിബിഐയ്ക്ക് വിടണമെന്ന് ചന്ദ്രശേഖരന്റെ ഭാര്യ രമ പലതവണ ആവശ്യപ്പെട്ടിട്ടും മുഖ്യമന്ത്രി തയ്യാറായിട്ടില്ല.കൊല്ലിച്ചത് ആര് എന്ന് അറിയാന് കേരള ജനതയ്ക്ക് ആഗ്രഹമുണ്ട്. എന്നാല് ഭരണ നേതൃത്വം അത് അറിയാന് ആഗ്രഹിക്കുന്നില്ല. കാരണം ഇരുമുന്നണികളും തമ്മിലുള്ള രഹസ്യ അജണ്ടയുടെ ഭാഗമാണിത്.
സംസ്ഥാനത്തെ ഒട്ടുമിക്ക വ്യാവസ്യായിക സ്ഥാപനങ്ങളുടെയെല്ലാം ഗേറ്റുകള് പൂട്ടി താക്കോല് എടുത്ത് കഴിഞ്ഞു. ലയങ്ങളുടെയും ചേരിപ്രദേശങ്ങളുടെയും കോളനികളുടെയും അവസ്ഥ പരമദയനീയമാണ്. അഴിമതി തുടച്ചു നീക്കാന് കൈകോര്ക്കാന് തയ്യാറാകണമെന്നും കുമ്മനം പറഞ്ഞു.
കുമ്മനത്തിന് ചിറയിന്കീഴ് മണ്ഡലത്തിലെ കോരാണിയില് സ്വീകരണം നല്കിയപ്പോള്
