കാസര്കോട്: ചന്ദ്രഗിരിപാലം-ചളിയംകോട് സംസ്ഥാന പാതയുടെ വികസന സമയത്ത് പ്രദേശവാസികള്ക്ക് ബന്ധപ്പെട്ട അധികാരികള് നല്കിയ ഉറപ്പുകള് പാലിക്കാതെ ധൃതിപിടിച്ച് റോഡിന്റെ ഉദ്ഘാടനം നടത്തുവാനുള്ള നീക്കം നടക്കുന്നതായി ആരോപണം. നിലവില് ഉപയോഗിച്ചുകൊണ്ടിരിക്കുന്ന എല്ലാ സൗകര്യങ്ങളും നിലനിര്ത്തുമെന്നും റോഡ് നിര്മ്മാണ പ്രവര്ത്തനം മൂലം ഭീഷണി നേരിടുന്ന ഉയര്ന്ന പ്രദേശത്തുള്ള കുടുംബങ്ങള്ക്ക് പാര്ശ്വഭിത്തി കെട്ടല്, മണ്ണിട്ട് താഴ്ന്ന പ്രദേശത്തുള്ളവര്ക്ക് ഓവുചാലുകള്, കൃഷി ആവശ്യത്തിന് ഉപയോഗിച്ചിരുന്ന വെള്ളം സംഭരിക്കാനുള്ള അണക്കെട്ടും കൃഷിയിടങ്ങളിലേക്ക് വെള്ളമെത്തിക്കാനുമുള്ള ഓവുചാലുകള്, കോട്ടരുവം പ്രദേശത്തുള്ളവര്ക്ക് ചെമ്മനാട് വയലിലേക്ക് കന്നുകാലികളേയും വളവും മറ്റും കൊണ്ടുപോകുന്നതിനും കാര്ഷിക വിളകള് കൊണ്ടു വരുന്നതിനുമുള്ള പാത, രാജീവ്ഗാന്ധി കുടിവെള്ള പദ്ധതിയുടെ പൈപ്പ് ലൈനുകളുടെ പുനര്നിര്മ്മാണം, നിലവിലുള്ള എല്ലാ റോഡുകളും വഴികളും സൗകര്യപ്രദമായി നിര്മ്മിച്ചു നല്കല് എന്നിവ കെഎസ്ടിപി അധികൃതര് ഉറപ്പു നല്കിയിരുന്നു. എന്നാല് ഈ ഉറപ്പുകള് ഒന്നും തന്നെ ഇതുവരെയും നടപ്പിലാക്കിയിട്ടില്ല. ഇത്തരമൊരവസ്ഥയില് റോഡു നിര്മ്മാണത്തിന് സ്ഥലം വിട്ടുനല്കി ഭയന്നു ജീവിക്കുന്ന കുടുംബങ്ങളുടെ ജീവിത സാഹചര്യം കണക്കിലെടുത്ത് എത്രയും വേഗത്തില് നല്കിയ ഉറപ്പുകള് പാലിച്ച് പ്രവര്ത്തികള് പൂര്ത്തീകരിക്കണമെന്ന് പരവനടുക്കം ദീന്ദയാല്ജി പുരുഷ സ്വയംസഹായ സംഘം കെഎസ്ടിപി ചീഫ് എഞ്ചിനീയറോട് ആവശ്യപ്പെട്ടു. ഇവയൊന്നും പാലിക്കാത്ത ഭരണാധിപ വര്ഗ്ഗത്തിന്റെ താല്കാലിക നേട്ടത്തിനു വേണ്ടി ധൃതി പിടിച്ച് റോഡ് ഉദ്ഘാടനത്തിന് ശ്രമിക്കുകയാണെങ്കില് ബഹുജനങ്ങളെ സംഘടിപ്പിച്ചു കൊണ്ട് സമര രംഗത്തേക്കിറങ്ങുമെന്നും ദീന്ദയാല്ജി പുരുഷ സ്വയംസഹായ സംഘം മുന്നറിയിപ്പ് നല്കി..
കെഎസ്ടിപി അധികൃതര് ഉറപ്പുകള് പാലിക്കണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.