കാസര്കോട്: ഹൈദരബാദില് നടന്ന രോഹിതിന്റെ ആത്മഹത്യയുടെ പേരില് മോഡിക്കെതിരെ കുപ്രചരണങ്ങളുമായി രംഗത്ത് വന്നിരിക്കുകയാണ് കോണ്ഗ്രസും മാര്ക്സിസ്റ്റും. കോണ്ഗ്രസ് ഭരണകാലത്ത് എട്ട് വിദ്യാര്ത്ഥികള് ആത്മഹത്യ ചെയ്തിട്ടുണ്ട്. ഓള്ഇന്ത്യ ഇന്സ്റ്റിറ്റിയൂട്ടിലുള്പ്പെടെ വിദ്യാര്ത്ഥികള് ആത്മഹത്യ ചെയ്തിരുന്നു. ആ സമയത്തെല്ലാം മൗനം പാലിച്ച സോണിയാഗാന്ധിയും, രാഹുല് ഗാന്ധിയും ഇപ്പോള് വാചാലരാവുകയാണ്. തന്റെ ആത്മഹത്യക്ക് ആരും കുറ്റക്കാരല്ലെന്ന് രോഹിത് തന്നെ കുറിപ്പില് വ്യക്തമാക്കിയിട്ടും അനാവശ്യ പ്രചരണവുമായി കോണ്ഗ്രസ് രംഗത്തുവന്നത് ദൗര്ഭാഗ്യകരമാണ്. ഹൈദരാബാദ് സംഭവം ഉയര്ത്തുന്നവര് കോണ്ഗ്രസ് ഭരണകാലത്ത് നടന്ന ആത്മഹത്യകള്ക്ക് മറുപടി പയണം. അന്ധമായ മോദി വിരോധമാണ് മാര്ക്സിസ്റ്റും കോണ്ഗ്രസും തെരുവിലേക്കിറങ്ങുന്നത്. മഴ പെയ്താലും പെയ്തില്ലെങ്കിലും കൂടിപ്പോയാലും കുറ്റം മോദിക്ക്, കല്ല്യാണം കഴിച്ച് കുട്ടി ഉണ്ടായില്ലെങ്കിലും കുറ്റം ആര്എസ്എസിന്. നാടിനു വേണ്ടി സ്വയം ത്യാഗം ചെയ്ത് സമര്പ്പണം നടത്തിയവരാണ് ആര്എസ്എസ് എന്ന് വെങ്കയ്യനായിഡു കൂട്ടിച്ചേര്ത്തു. ബിജെപി സംസ്ഥാന അധ്യക്ഷന് കുമ്മനം രാജശേഖരന് നയിക്കുന്ന വിമോചനയാത്ര ഉപ്പളയില് ഉദ്ഘാടനം ചെയ്ത് സംസാരിക്കുകയായിരുന്നു വെങ്കയ്യനായിഡു.
ഹൈദരാബാദ് സംഭവം: ഇടത്-വലത് മുന്നണികള് നടത്തുന്നത് കുപ്രചരണമെന്ന് കേന്ദ്ര മന്ത്രി വെങ്കയ്യ നായിഡു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.