കുമരകം: സിപിഎം പരിപാടികളില് കുടുംബശ്രീ, തൊഴിലുറപ്പ് പദ്ധതിയിലെ സ്ത്രീകളെ നിയമവിരുദ്ധമായി പങ്കെടുപ്പിച്ച് ആളെ കൂട്ടുന്നതിനെതിരെ വ്യാപക പ്രതിഷേധം. സിപിഎം പഞ്ചായത്ത് മെമ്പര്മാരെയും പ്രവര്ത്തകരെയും കുടുംബശ്രീ-തൊഴിലുറപ്പ് പദ്ധതിയിലുള്ള സ്ത്രീകളെ ഭീഷണിപ്പെടുത്തിയും മാസ്റ്റ്റോളില് ഒപ്പിടുവിച്ചുകൊള്ളാമെന്ന ഉറപ്പും നല്കിയാണ് പരിപാടികളില് പങ്കെടുപ്പിക്കുന്നത്. കഴിഞ്ഞദിവസം എംഎല്എ നടത്തിയ പ്രഹസന സമരത്തിനും ഈ നിലപാട് സ്വീകരിച്ചിരുന്നു. സമരം ജനങ്ങളുടെ കണ്ണില് പൊടിയിടാന് നടത്തുന്നതാണെന്ന് ബിജെപി ആരോപിച്ചിരുന്നു. തൊഴിലുറപ്പ്-കുടുംബശ്രീ അംഗങ്ങളെ ഭീഷണിപ്പെടുത്തി പാര്ട്ടി പരിപാടികളില് പങ്കെടുപ്പിക്കുന്നതിനെതിരെ ശക്തമായി പ്രതികരിക്കുമെന്ന് ബിജെപി പഞ്ചായത്തംഗങ്ങളായ വി.എന്.ജയകുമാറും പി.കെ.സേതുവും പറഞ്ഞു.കുമരകത്ത് നടന്നുകൊണ്ടിരിക്കുന്ന മുഴുവന് തൊഴിലുറപ്പ് സ്ഥലത്തും ബിജെപി പ്രവര്ത്തകരും ബിജെപി പഞ്ചായത്തംഗങ്ങളും നേരിട്ടെത്തി ജോലി ചെയ്യുന്നവരുടെ വിശദാംശങ്ങള് ശേഖരിക്കാനും ജോലിക്ക് പോകാതെ പാര്ട്ടി പരിപാടികള്ക്ക് പോകുകയും ജോലിക്കെത്താതിരിക്കുകയും ചെയ്യുന്നതിനെതിരെ ശക്തമായ ജനകീയ സമരം സംഘടിപ്പിക്കുവാനും ജോലിക്കെത്തുന്നവര്ക്ക് സംരക്ഷണം നല്കുവാനും ബിജെപി കുമരകം പഞ്ചായത്ത് കമ്മിറ്റി തീരുമാനിച്ചു. യോഗത്തില് ബിജെപി പഞ്ചായത്ത് പ്രസിഡന്റ് വി.എന്.ജയകുമാര്, പഞ്ചായത്തംഗം പി.കെ.സേതു, അഭിലാഷ് ശ്രീനിവാസന്, സതീഷ് കരിവേലില്, സുരേഷ് കെ.എസ്, സനീഷ്, മഹേഷ് എന്നിവര് സംസാരിച്ചു.
പാര്ട്ടി പരിപാടികള് കുടുംബശ്രീ-തൊഴിലുറപ്പുകാരെ ഭീഷണിപ്പെടുത്തി പങ്കെടുപ്പിക്കുന്നതില് വ്യാപക പ്രതിഷേധം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.