കുറ്റിയാടി: കുറ്റിയാടി മേഖലയില് ഒരു മാസക്കാലമായി നിലച്ച കുടിവെള്ളവിതരണം പുനഃസ്ഥാപിക്കാത്തതില് പ്രതിഷേധിച്ച് ഒരുകൂട്ടം വീട്ടമ്മമാര് കുറ്റിയാടി പഞ്ചായത്ത് ഓഫീസ് ഉപരോധിച്ചു. കൊയ്യമ്പാറ കുന്നിലെ താമസക്കാരായ ഇരുപത്തഞ്ചോളം വീട്ടമ്മമാരാണ് കൈക്കുഞ്ഞുങ്ങുളുമായി ഇന്നലെ ഒമ്പതരയോടെ ഓഫീസ് കവാടത്തില് സമരം നടത്തിയത്. ഒരു രാഷ്ട്രീയപാര്ട്ടിയുടെയും പിന്തുണയും സഹായവുമില്ലാതെ എത്തിയ ഇവര് അലക്കാനും കുളിക്കാനും ഭക്ഷണംപാകംചെയ്യാനും വെള്ളമില്ലാത്താതിനാല് അനുഭവിക്കുന്ന യാതനകള് വിവരിച്ചു. കുന്നിന്പ്രദേശമായതിനാല് ഈ ഭാഗത്തൊന്നും കിണറില്ല. വാട്ടര് അതോറിറ്റിയുടെ പൈപ്പുവെള്ളത്തെയാണ് ഇവിടുത്തുകാര് ആശ്രയിക്കുന്നത്. കുടിവെള്ളമില്ലാത്തതിനാല് ഒട്ടേറെ കുടുംബങ്ങള് ബന്ധുവീടുകളില് അഭയം പ്രാപിച്ചിരിക്കുകയാണ്.
കുടിവെള്ളമില്ല; വീട്ടമ്മമാര് പഞ്ചായത്ത് ഓഫീസ് ഉപരോധിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.