ചങ്ങനാശേരി: തെക്കുംകൂര് രാജാക്കന്മാരുടെ ഭരണകാലത്ത് സ്ഥാപിതമായ മലയാളം സ്കൂള് എന്ന പേരില് അറിയപ്പെട്ടിരുന്ന ഗവ.ഹയര്സെക്കന്ഡറി സ്കൂളിന്റെ 145-ാം വാര്ഷികാഘോഷം ഇന്ന് നടക്കും. 1871ല് സ്ഥാപിതമായ സ്കൂള് എല്പിയുപിഹൈസ്കൂള് പിന്നീട് ഹയര്സെക്കന്ഡറി സ്കൂളായി ഉയര്ത്തി. നിരവധി പ്രമുഖര് ഈ സ്കൂളില് വിദ്യാര്ത്ഥികളായിരുന്നു. ചങ്ങനാശേരി അതിരൂപതാ അദ്ധ്യക്ഷനായിരുന്ന മാര് കര്യാളശേരി, എന്എസ്എസ് സ്ഥാപകന് മന്നത്ത് പത്മനാഭന്, മഹാകവി ഉള്ളൂര് എസ്.പരമേശ്വരയ്യര്, ചലച്ചിത്രതാരങ്ങളായ കവിയൂര് പൊന്നമ്മ, കെപിഎസി ലളിത, ഭീമന്രഘു, സിബി മാത്യൂസ് എന്നിവര് ഈ സ്കൂളില് പഠിതാക്കളായി എത്തിയവരാണ്. 150-ാം വാര്ഷികം മുന്നില്ക്കണ്ട് മൂന്ന്നിലക്കെട്ടിടം പണിയാന് പദ്ധതി തയ്യാറാക്കിയിട്ടുണ്ട്. ഈ കെട്ടിടത്തിന്റെ ശിലാസ്ഥാപനം സി.എഫ്.തോമസ് എംഎല്എ നിര്വ്വഹിക്കും. വാര്ഷികത്തോടനുബന്ധിച്ച് വിരമിക്കുന്ന ഹെഡ്മാസ്റ്റര് വി.വി.തങ്കസ്വാമി, ഹൈസ്കൂള് അദ്ധ്യാപകന് പി.കെ.ഹരികുമാാര് എന്നിവര്ക്ക് യാത്രയയപ്പ് സമ്മേളനവും നടക്കും. സ്കൂള് വാര്ഷിക സമ്മേളനം നഗരസഭാ ചെയര്മാന് സെബാസ്റ്റ്യന് മാത്യു ഉദ്ഘാടനം ചെയ്യും.
സ്കൂള് വാര്ഷികാഘോഷം ഇന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.