ഡമാസ്കസ്: ഇസ്ലാമിക് സ്റ്റേറ്റ് ഭീകരര് സിറിയയില് പൈശാചിക കൂട്ടക്കൊല നടത്തി. സര്ക്കാര് അനുകൂല മേഖലയായ ഡയര് അല് സൂരില് നടത്തിയ ആക്രമണത്തില് 250 ഓളം പേര് കൊല്ലപ്പെട്ടതായി സര്ക്കാര് വൃത്തങ്ങള് സൂചിപ്പിച്ചു. സര്ക്കാര് അനുകൂല പോരാളികളെയും അവരുടെ ബന്ധുക്കളെയുമാണ് ഐഎസ് ഭീകരര് കൂട്ടക്കൊല ചെയ്തത്.
കാര് ബോംബ്, ചാവേറുകള് എന്നിവ ഉപയോഗിച്ചാണ് ജിഹാദികള് അല്-ബഹില്ല്യാ, അല്-ജൂറാ എന്നിവിടങ്ങളിള് ആക്രമണം നടത്തിയത്. 400 ഓളം പേരെ ഭീകരര് തട്ടിക്കൊണ്ടുപോയതാണ് റിപ്പോര്ട്ട്. ആദ്യം ആറ് ചാവേറുകളെയാണ് അയച്ചത്. എന്നാല് ഇവര്ക്ക് സൈന്യത്തെ തകര്ക്കാനായില്ല. സൈന്യം ശക്തമായി തിരിച്ചടിച്ചതായും പറയുന്നു. തട്ടിക്കൊണ്ട് പോയവരെ വധിച്ചോയെന്ന കാര്യത്തില് വ്യക്തത വന്നിട്ടില്ല.
സ്ത്രീകളും കുട്ടികളും ഉള്പ്പടെ 300 ല് അധികം പേര് മരിച്ചതായിട്ടാണ് സറിയന് സര്ക്കാര് ന്യൂസ് ഏജന്സി സന പറയുന്നത്. എന്നാല് മരണസംഖ്യ 250നും 280നും ഇടക്കാണെന്നാണ് മറ്റൊരു കണക്ക്. ആക്രമണത്തിനിടെ സിറിയന് സേനയുടെ ആയുധങ്ങള് പിടിച്ചെടുത്തതായി ഐഎസ് അനുകൂലികള് സമൂഹമാധ്യമങ്ങളിലൂടെ അറിയിച്ചു. ഇതിനിടെ റഷ്യന് സേന നടത്തിയ വ്യോമാക്രമണത്തില് ഒട്ടേറെ പേര്ക്ക് പരുക്കേറ്റു.
സിറിയയിലെ സംഭവങ്ങള് നിരീക്ഷിച്ച് വരികയാണെന്ന് ഐക്യരാഷ്ട്ര സഭ അറിയിച്ചു. ഐഎസിന്റെ ആക്രമണത്തില് ഇതുവരെ സിറിയയില് രണ്ടു ലക്ഷത്തോളം പേര് കൊല്ലപ്പെട്ടതായിട്ടാണ് റിപ്പോര്ട്ട്.
