സ്‌പോര്‍ട്‌സ് ഹോസ്റ്റല്‍ ജില്ലാതല തെരെഞ്ഞെടുപ്പ്

കാസര്‍കോട്: കേരള സ്റ്റേറ്റ് സ്‌പോര്‍ട്‌സ് കൗണ്‍സിലിന്റെ കീഴിലുള്ള വിവിധ ഹോസ്റ്റലുകളിലേക്കുളള പ്രവേശനത്തിനായി അടുത്ത അദ്ധ്യയന വര്‍ഷം ഏഴ്, എട്ട് ക്ലാസ്സുകളിലേക്ക് പഠിക്കുന്നതിന് ജില്ലാതല തെരെഞ്ഞെടുപ്പ് 23 ന് രാവിലെ ഒമ്പതിന് നീലേശ്വരം രാജാസ് സ്‌കൂളില്‍ നടത്തും. ഇപ്പോള്‍ 6, 7 ക്ലാസ്സുകളില്‍ പഠിക്കുന്ന കുട്ടികള്‍ക്ക്, (01.01.2002 ന് ശേഷം ജനിച്ചവര്‍) സെലക്ഷനില്‍ പങ്കെടുക്കാം. ദേശീയ മത്സരത്തില്‍ പങ്കെടുത്തവര്‍ക്കും, സംസ്ഥാന മത്സരങ്ങളില്‍ 1,2,3 സ്ഥാനം നേടിയവര്‍ക്കും 9-ാംക്ലാസിലും പ്രവേശനം അനുവദിക്കും. അത്‌ലറ്റിക്‌സ്, വോളീബോള്‍, ഫുട്‌ബോള്‍, ബാസ്‌ക്കറ്റ്‌ബോള്‍ എന്നീ ഇനങ്ങളില്‍ ജില്ലാ തല പ്രാഥമിക റൗണ്ട് സെലക്ഷന്‍ 23 ന് രാവിലെ ഒമ്പതിന് നീലേശ്വരം രാജാസ് സ്‌ക്കൂളില്‍ നടത്തും. ബാക്കിയുളള ഇനങ്ങളില്‍ സോണല്‍ സെലക്ഷന്‍ ഫെബ്രുവരി അഞ്ചിന് കാലത്ത് ഒമ്പതിന് കണ്ണൂര്‍ പോലീസ് മൈതാനിയില്‍ നടക്കും. വോളീബോള്‍, ബാസ്‌ക്കറ്റ്‌ബോള്‍ എന്നീ ഇനങ്ങളില്‍ പങ്കെടുക്കുന്ന പെണ്‍കുട്ടികള്‍ക്ക് മിനിമം 160 സെ മീ, ആണ്‍കുട്ടികള്‍ക്ക് മിനിമം 165 സെ മീ ഉയരം ഉണ്ടാകണം. ഫോണ്‍ നമ്പര്‍: 04994 255521.