ചാത്തന്നൂര്: െ്രെപവറ്റ് ബസ് സ്റ്റാന്റ് നിര്മ്മാണത്തില് നടന്ന അഴിമതിയെ കുറിച്ച് അനേഷണം ആവശ്യപ്പെട്ട് വിജിലന്സ് അനേഷണം ആവശ്യപെട്ട് ബിജെപി ഗതാഗതമന്ത്രിക്ക് പരാതി നല്കി. മണ്ഡലം ജനറല് സെക്രട്ടറി കെ.ശ്രീകുമാറാണ് മന്ത്രിക്ക് നിവേദനം നല്കിയത്. ചാത്തന്നൂര് വ്യവസായ വകുപ്പിന്റെ അധീനതയില് ഉള്ള വഞ്ചി ക്ലേമെന്സിന്റെ ഭൂമിയില് നിന്നും അനുവദിച്ച ഒരേക്കാര് ഭൂമിയിലാണ് പ്രൈവറ്റ് ബസ് സ്റ്റാന്റ് നിര്മ്മിച്ചിരിക്കുന്നത്. പ്രൈവറ്റ് ബസ്സ്റ്റാന്റ് നിര്മ്മാണത്തിന്റെ പ്രാഥമിക നിര്മ്മാണ പ്രവര്ത്തനത്തിനായി പഞ്ചായത്ത് പത്ത് ലക്ഷം രൂപ അനുവദിക്കുകയും പ്രദേശം മണ്ണിട്ട് നികത്തി പ്രാഥമികനിര്മ്മാണ പ്രവര്ത്തനങ്ങള് നടത്തുകയും അതിനുശേഷം ചാത്തന്നൂര് എംഎല്എ ജി.എസ്.ജയലാല് എംഎല്എയുടെ ഫണ്ടില് നിന്നും അറുപത്തിയഞ്ചു ലക്ഷം രൂപ അനുവദിക്കുകയും നിര്മ്മാണ പ്രവര്ത്തനങ്ങള് നടത്തുകയും ചെയ്തു. ഏകദേശം മുന്നൂറ് സ്ക്വയര് ഫീറ്റ് വരുന്ന ഒരു ഷീറ്റ് ഇട്ട വെയറ്റിംഗ് ഷെഡ് ഇരുന്നൂറു സ്ക്വയര് ഫീറ്റ് വരുന്ന ഓഫീസ് കെട്ടിടവും രണ്ടു ടോയ്ലറ്റുകളും അതിന്റെ മുന്വശം 3000 സ്ക്വയര് ഫീറ്റ് ഭാഗം കോണ്ക്രീറ്റ് റോഡ് നിര്മ്മാണ പ്രവര്ത്തനം നടത്തുകയും ചെയ്തു. ഒരു കിണറും ഇവിടെ കുഴിച്ചിട്ടുണ്ട് .ഇത്രയും ജോലി ചെയ്യുന്നതിന് ഏകദേശം പതിനഞ്ചു ലക്ഷം രൂപ പോലും ചിലവാകില്ല എന്ന് വിദഗ്ധര് ചൂണ്ടിക്കാട്ടുന്നു. പഞ്ചായത്ത് തെരഞ്ഞെടുപ്പ് മുന്നില് കണ്ടുകൊണ്ട് മന്ത്രി ഉദ്ഘാടനം ചെയ്യുന്നുവെന്ന് കാണിച്ച് നോട്ടീസും ഇറക്കിയിരുന്നു. പ്രൈവറ്റ് ബസ് സ്റ്റാന്റിനു വേണ്ടുന്ന സര്ക്കാര് നിബന്ധനകള് ഒന്നും പാലിക്കാതെയാണ് നിര്മ്മാണ പ്രവര്ത്തനങ്ങള് നടത്തിയിരിക്കുന്നത്. പ്രൈവറ്റ് ബസുകള് ഇവിടം വരെ നീട്ടാന് പറ്റില്ലാ എന്നും അറിയാന് കഴിഞ്ഞു. യാതൊരു മുന്വിധികളും ഇല്ലാതെ സര്ക്കാര് ഫണ്ട് ദുര്വിനിയോഗം ചെയ്ത മുന് പഞ്ചായത്ത് ഭരണാധികാരികള്ക്കും ചാത്തന്നൂര് എംഎല്എ ജി.എസ് ജയലാലിനും നിര്മ്മാണ പ്രവര്ത്തനങ്ങള്ക്ക് മേല്നോട്ടം വഹിച്ച ഉദ്യോഗസ്ഥര്ക്കും കരാര്കാര്ക്കും എതിരെ വിജിലന്സിനെ കൊണ്ട് നടപടിയെടുക്കണമെന്നു ആവശ്യപ്പെട്ടു കൊണ്ടാണ് ബിജെപി പരാതി നല്കിയിരിക്കുന്നത്.
അഴിമതി ചൂണ്ടിക്കാട്ടി ബിജെപിയുടെ നിവേദനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.