യുണൈറ്റഡ് നേഷന്സ്: പഞ്ചാബിലെ പത്താന്കോട്ടില് വ്യോമസേനാ താവളത്തിനു നേരെ നടന്ന ഭീകരാക്രമണത്തെ അപലപിച്ച് യുഎന് സെക്രട്ടറി ജനറല് ബാന് കി മൂണ്. ഭീകരാക്രമണത്തിന്റെ പേരില് ഇന്ത്യയും പാക്കിസ്ഥാനും തമ്മിലുള്ള ബന്ധം മോശമാകരുത്. ചര്ച്ചകളിലൂടെ എല്ലാ വിഷയങ്ങളും പരിഹരിക്കാന് സാധിക്കുമെന്നും അദ്ദേഹം പറഞ്ഞു.
ശനിയാഴ്ച പുലര്ച്ചെയാണ് പത്താന്കോട്ടിലെ വ്യോമസേന താവളത്തിനു നേരെ ഭീകരാക്രമണമുണ്ടായത്. സൈനികനടപടി 90 മണിക്കൂര് പിന്നിട്ടു നാലാം ദിവസവും തുടരുകയാണ്. ആക്രമണത്തില് ഏഴു സൈനികരാണ് മരിച്ചത്. ഇരുപതു സൈനികര്ക്കു പരിക്കേറ്റു. ആറു ഭീകരരെ വധിച്ചതായാണ് ഔദ്യോഗിക വിവരം.
