മെല്ബണ്: ഓള്റൗണ്ടര് ഷെയ്ന് വാട്സണെ ഒഴിവാക്കി ഇന്ത്യയ്ക്കെതിരായ ഏകദിന പരമ്പരയ്ക്കുള്ള ഓസ്ട്രേലിയന് ടീമിനെ പ്രഖ്യാപിച്ചു. 13 അംഗ ടീമിനെയാണ് പ്രഖ്യാപിച്ചിരിക്കുന്നത്. ജനുവരി 12-നാണ് ഇന്ത്യയുടെ ഓസ്ട്രേലിയന് പര്യടനം തുടങ്ങുന്നത്.
സ്റ്റീവ് സ്മിത്ത് നയിക്കുന്ന ടീമില് ജോയല് പാരിസ്, സ്കോട് ബൊലാന്ഡ് എന്നീ പുതുമുഖങ്ങളെയും ഉള്പ്പെടുത്തി. ഡേവിഡ് വാര്ണര്-ആരോണ് ഫിഞ്ച് സഖ്യമാകും ഇന്നിംഗ്സ് ഓപ്പണ് ചെയ്യുക. സ്പിന്നര് നഥാന് ലയോണിനും ടീമില് സ്ഥാനം ലഭിച്ചില്ല. മാര്ഷ് സഹോദരന്മാരായ ഷോണും മിച്ചലും ടീമില് സ്ഥാനം നേടിയിട്ടുണ്ട്. പരിക്കേറ്റ് വിശ്രമത്തിലുള്ള മിച്ചല് സ്റ്റാര്ക്കിനെയും പരിഗണിച്ചില്ല.
ടീം: സ്റ്റീവ് സ്മിത്ത് (ക്യാപ്റ്റന്), ഡേവിഡ് വാര്ണര്, ആരോണ് ഫിഞ്ച്, ഷോണ് മാര്ഷ്, ജോര്ജ് ബെയ്ലി, ഗ്ലെന് മാക്സ്വെല്, മിച്ചല് മാര്ഷ്, മാത്യൂ വേഡ്, ജയിംസ് ഫോക്നര്, കെയ്ന് റിച്ചാര്ഡ്സണ്, ജോഷ് ഹേസില്വുഡ്, സ്കോട് ബൊലാന്ഡ്, ജോയല് പാരിസ്.
