കണ്ണൂര്‍: ഇന്ത്യയില്‍ ശൈശവദശയിലുള്ള ഓണ്‍ലൈന്‍ ഔഷധവ്യാപാരത്തെക്കുറിച്ച് പൊതുജനങ്ങളുടെ ആശങ്കകള്‍ വര്‍ധിക്കുന്നു. നിയന്ത്രിത ഔഷധങ്ങള്‍ വില്‍ക്കുന്നതു സംബന്ധിച്ച് നിലവിലുള്ള നിയമങ്ങള്‍ ഒന്നും തന്നെ ഓണ്‍ലൈന്‍ വ്യാപാരത്തില്‍ ബാധകമല്ലെന്നതിനാല്‍ രോഗികളല്ലാത്തവരും ഓണ്‍ലൈനില്‍ ഔഷധങ്ങള്‍ വാങ്ങുന്നത് തടയാനാകാത്ത അവസ്ഥയുണ്ടാകുന്നുവെന്നതാണ് ഇതിന്റെ ഏറ്റവും വലിയ വെല്ലുവിളി.———
ഔഷധവില്‍പ്പനശാലകളില്‍ നിന്നു രജിസ്റ്റര്‍ ചെയ്ത മെഡിക്കല്‍ പ്രാക്ടീഷണറുടെ കുറുപ്പടി കൂടാതെ നിയന്ത്രിത ഔഷധങ്ങള്‍ വില്‍പ്പന നടത്തുന്നത് നിയമവിരുദ്ധമാണ്. ഷെഡ്യൂള്‍ പത്തില്‍ ഉള്‍പ്പെട്ട നര്‍കോട്ടിക്, സൈക്കോട്രോപിക് മരുന്നുകള്‍ക്കാകട്ടെ ഇരട്ട കുറുപ്പടികള്‍ കൂടിയേ മതിയാവൂ എന്നാണു നിയമമെങ്കിലും ഇതു പലപ്പോഴും പാലിക്കപ്പെടാറില്ല. ഇത്തരം ഔഷധങ്ങള്‍ ഏറെ ദുരുപയോഗം ചെയ്യപ്പെടുന്നുവെന്നതും അവയോട് ഉപയോക്താവ് ആസക്തനായി മാറിയേക്കാമെന്നതുകൊണ്ടുമാണ് സര്‍ക്കാര്‍ ഇത്തരം നിയന്ത്രണം ഏര്‍പ്പെടുത്തുന്നത്. ഇത്തരം മരുന്നുകള്‍ നല്‍കുമ്പോള്‍ ഇരട്ടകുറിപ്പടിയില്‍ ഒന്ന് ഔഷധ വ്യാപാരി രണ്ടുവര്‍ഷം വരെ സൂക്ഷിക്കണമെന്നും നിയമം അനുശാസിക്കുന്നുണ്ട്. എന്നാല്‍ ഓണ്‍ലൈന്‍ മരുന്നുവില്‍പനയില്‍ ഇത്തരം നിയന്ത്രണങ്ങള്‍ ബാധകമാകാത്തതിനാല്‍ സ്വയം ചികിത്സ, ഔഷധങ്ങളുടെ ദുരുപയോഗം, അമിതോപയോഗം, എന്നിവ വര്‍ധിക്കുമെന്നുറപ്പാണ്. കുട്ടികള്‍ ഉള്‍പ്പെടെ കരുതല്‍ ആവശ്യമുള്ള വി‘ാഗങ്ങള്‍ ഔഷധങ്ങള്‍ കൈവശപ്പെടുത്തല്‍, ആവശ്യമായ അനുമതിയോ നിലവാരമോ ഇല്ലാത്ത ഔഷധങ്ങളുടെ വ്യാപനം, ഉപഭോക്താവിന്റെ സ്വകാര്യത എന്നീ കാര്യങ്ങളില്‍ വ്യക്തതയില്ലാതെ ഓണ്‍ലൈന്‍ മരുന്നുവ്യാപാരം ആരംഭക്കുന്നത് ആരോഗ്യരംഗത്തിന് വന്‍ ഭീഷണിയാകുമെന്നാണ് ആശങ്കകള്‍ ഉയരുന്നത്. രാജ്യത്ത് ഔഷധ വ്യാപാരവുമായി ബന്ധപ്പെട്ട നിയമങ്ങളെല്ലാം 1956നു മുമ്പ് നിലവില്‍ വന്നവയാണ്. എന്നാല്‍ ഓണ്‍ലൈന്‍ വ്യാപാരവുമായി ബന്ധപ്പെട്ട നിയമങ്ങള്‍ നിലവില്‍ വന്നത് 2000ലെ ഇന്‍ഫര്‍മേഷന്‍ ടെക്‌നോളജി ആക്ടിനുശേഷമായതിനാല്‍ ഓണ്‍ലൈന്‍ ഔഷധവ്യാപാരത്തെ നിയന്ത്രിക്കാന്‍ നിലവില്‍ രാജ്യത്ത് നിയമങ്ങളും നിലവിലില്ല. ഇന്ത്യന്‍ കമ്പനികള്‍ക്കു പുറമേ വിദേശ കമ്പനികളും രാജ്യത്ത് ഓണ്‍ലൈനിലൂടെ മരുന്നുവില്‍പന ആരംഭിക്കുന്നത് നിയന്ത്രിക്കാനോ തടയാനോ കഴിയാത്ത അവസ്ഥയാണുള്ളത്. ഓണ്‍ലൈന്‍ ഔഷധവ്യാപാരം രാജ്യത്ത് അനുവദിക്കുന്നതിനു മുന്നോടിയായി കേന്ദ്രസര്‍ക്കാര്‍ രൂപീകരിച്ച പ്രത്യേക സമിതി ഈ വിഷയത്തില്‍ പഠനം നടത്തിക്കൊണ്ടിരിക്കുകയാണ്. മഹാരാഷ്ര്ട, ഡല്‍ഹി തുടങ്ങിയ സംസ്ഥാനങ്ങളിലെ ഡ്രഗ്‌സ് കണ്‍ട്രോളര്‍മാരാണ്.———
