കൊല്‍ക്കൊത്ത: ബംഗാളിലെ കൊല്‍ക്കൊത്തയിലുള്ള മെട്രോപൊളിറ്റന്‍ ഏരിയയിലെ പ്രധാന തൃണമൂല്‍ ഓഫീസ് മമത ബാനര്‍ജിക്ക് നഷ്ടമായി. മമതാ ബാനര്‍ജിക്ക് എതിരായ ഗ്രൂപ്പിനെ നയിക്കുന്ന ഋതബ്രത ബാനര്‍ജിയും സംഘവും ഈ ഓഫീസ് ഏറ്റെടുത്തു. ഇതിനെ എതിര്‍ക്കുന്നതിന് അണികളെ സംഘടിപ്പിക്കാന്‍ പോലും മമതയ്‌ക്ക് ശേഷിയില്ല. കാരണം അവര്‍ വിളിച്ചാല്‍ വരുന്ന പ്രവര്‍ത്തകര്‍ ഇല്ലെന്നതാണ് സത്യം.
ഇപ്പോള്‍ ബംഗാള്‍ നിയമസഭയില്‍ പ്രതിപക്ഷ നേതാവാ. ഋതബ്രത ബനാര്‍ജിയും സംഘവും കൊല്‍ക്കൊത്തയിലെ ടിഎംസി ഭവന്‍ എന്നറിയപ്പെടുന്ന ഓഫീസില്‍ എത്തി തങ്ങളാണ് യഥാര്‍ത്ഥ തൃണമൂല്‍ കോണ്‍ഗ്രസെന്നും അതിനാല്‍ ഓഫീസ് ഏറ്റെടുക്കുകയാണെന്നും പ്രഖ്യാപിക്കുകയായിരുന്നു. ഇതിലെ പൂട്ടുകളും താക്കോലുകളും മാറ്റി. പുതുതായി പോസ്റ്ററുകള്‍ പതിച്ചു. അവര്‍ ഒരു യോഗം ചേരുകയും ചെയ്തു. ഇതിനെ എതിര്‍ക്കാന്‍ മമതയുടെ ആരും അവിടെ ഉണ്ടായില്ല.
പുതുതായി അവര്‍ ഉയര്‍ത്തിയ തൃണമൂല്‍ പോസ്റ്ററില്‍ മമത ബാനര്‍ജിയുടെ പേരില്ല. പകരം തൃണമൂല്‍ ചെയര്‍മാന്‍ അരൂപ് ദാസ് എന്ന പേരാണ് എഴുതിയിരിക്കുന്നത്. മമത എന്ന ഒരു നേതാവ് ബംഗാളില്‍ പാടെ ഇല്ലാതാകുന്നതിന്റെ സൂചനയാണ് ഇവ.
