പാനൂര്: ആര്എസ്എസ് സര്സംഘചാലക് മോഹന് ഭാഗവതിനെ പിന്തുണച്ച് സിപിഎം പോളിറ്റ്ബ്യൂറോ അംഗം പിണറായി വിജയന് നടത്തിയ പ്രസ്താവന പി.ജയരാജനുളള തിരിച്ചടി. കൊച്ചിയില് വെച്ച് നടന്ന ചര്ച്ചയില് കണ്ണൂരിലെ രാഷ്ട്രീയ സംഘര്ഷത്തിന് ശാശ്വത പരിഹാരമുണ്ടാക്കാന് സിപിഎം നേതൃത്വവുമായി തുറന്ന ചര്ച്ചയ്ക്ക് ആര്എസ്എസ് തയ്യാറാണെന്ന് മോഹന്‘ഭാഗവത് പറഞ്ഞിരുന്നു. എന്നാല് ഇതിനെതിരെയാണ് ജില്ലാസെക്രട്ടറി പി.ജയരാജന് നിലപാടെടുത്തത്. ക്രിയാത്മകമായി പ്രതികരിക്കേണ്ട പ്രസ്താവനയെ നിരുത്തരവാദപരമായി കണ്ട് പ്രതികരണം നടത്തുകയായിരുന്നു പി.ജയരാജന്. ഇതിനെതിരെയാണ് പിണറായി വിജയന് ശരംതൊടുത്തത്. കണ്ണൂരില് സമാധാനമുണ്ടാക്കാന് ചര്ച്ചയ്ക്ക് തയ്യാറാണെന്ന ആര്എസ്എസ് സര്സംഘചാലക് മോഹന്‘ഭാഗവതിന്റെ നിലപാട് സ്വാഗതാര്ഹമാണെന്ന് പിണറായി പാനൂരില് മാധ്യമങ്ങളോടു പറഞ്ഞു. പക്വതയോടെ പ്രശ്നങ്ങളെ സമീപിക്കാന് പി.ജയരാജനുളള താക്കീതായിരുന്നു പിണറായില് നിന്നുമുണ്ടായത്.
എന്നും രാഷ്ട്രീയ സംഘര്ഷത്തില് ഒരു‘ഭാഗത്ത് സിപിഎം നിലയുറപ്പിക്കപ്പെട്ടതിനു പിന്നില് നേതാക്കളുടെ പങ്ക്് നിസ്തൂലമായിരുന്നു. സംഘര്ഷം ഇല്ലായ്മ ചെയ്യാന് നഷ്ടങ്ങളൊരുപാട് സഹിച്ച സംഘപ്രസ്ഥാനങ്ങളുടെ ഭാഗത്തു നിന്നുതന്നെ പക്വമായ ഇടപ്പെടല് പുറത്തുവന്നതിനെ സ്വീകരിക്കാന് അസഹിഷ്ണുതയുടെ കൂട്ടുകാരന് കഴിയുമായിരുന്നില്ല. ചോദ്യത്തിന് ഉത്തരം നല്കാതെ മറുചോദ്യമുയര്ത്തുന്ന തരത്തിലാണ് ആര്എസ്എസിനെതിരെ പി.ജയരാജന് പ്രസ്താവനയിറക്കിയത്. സംഘര്ഷത്തിനു പിന്നില് ആര്എസ്എസിന്റെ അഖിലേന്ത്യാ നേതൃത്വമാണെന്നും കോടികള് ഇതിനായി നല്കിയിട്ടുണ്ടെന്നും ഇത് അവസാനിപ്പിച്ചാല് ഇവിടെ സംഘര്ഷം നില്ക്കുമെന്നുമായിരുന്നു പി.ജയരാജന് പറഞ്ഞത്. പൊതുസമൂഹം സ്വാഗതം ചെയ്ത ആര്എസ്എസ് സര്സംഘചാലകിന്റെ പ്രസ്താവനയ്ക്ക് സ്വീകാര്യത ഏറെ ലഭിച്ചപ്പോള് അതിനെ തടയിടാനായിരുന്നു നുണബോംബുമായി പി.ജയരാജന് രംഗത്തു വന്നത്. ഇത് വന്പ്രതിഷേധത്തിന് കാരണമാകുകയും ചെയ്തു. അതിനിടയാണ് പിണറായി വിജയന് തികച്ചും പക്വമായി മോഹന്‘ഭാഗവതിന്റെ പ്രസ്താവനയെ സ്വാഗതം ചെയ്തത്. അക്രമത്തെ അനുകൂലിക്കുന്ന കണ്ണൂര്ലോബിക്ക് ശക്തമായ തിരിച്ചടി നല്കുന്ന പ്രസ്താവനയാണ് പിണറായി നടത്തിയിട്ടുളളത്. സമീപനത്തില് മാറ്റം വരുത്തണമെന്ന് പി.ജയരാജനുളള താക്കീത് കൂടിയാണ് പിണറായി പാനൂരില് നല്കിയത്.
