ആലപ്പുഴ: കയര് വര്ക്കേഴ്സ് സുരക്ഷാ ഭീമാ യോജന പദ്ധതിയുടെ അപേക്ഷാ തീയതി ജനുവരി 10 വരെ നീട്ടിയതായി ആലപ്പുഴ ജില്ലാ ഓഫീസര് എ. ശശീശ്വരന് അറിയിച്ചു.
ആലപ്പുഴ ജില്ലാ ഓഫീസിന്റെ പരിധിയില് കൊമ്മാടി, പവ്വര് ഹൗസ്, സക്കറിയാ ബസാര്, തിരുവമ്പാടി ജംഗ്ഷന്, കൈതവന, ഇഎസ്ഐ, തിരുവിളക്ക്, തമ്പകച്ചുവട്, മണ്ണഞ്ചേരി, കാട്ടൂര്, പൂങ്കാവ് (പാതിരാപ്പളളി),പുന്നപ്ര, നെടുമുടി എന്നീ അക്ഷയാ സെന്ററുകളില് രജിസ്ട്രേഷനുള്ള സഹായം ലഭ്യമാണ്. ക്ഷേമനിധി ഓഫീസില് നിന്നും ലഭിക്കുന്ന അപേക്ഷകള് വ്യക്തമായി പൂരിപ്പിച്ച് ക്ഷേമനിധി പാസ്ബുക്ക്, റേഷന് കാര്ഡ്, ആധാര് കാര്ഡ്, ബാങ്ക് പാസ്ബുക്ക് എന്നിവയുടെ പകര്പ്പുകളോടൊപ്പം വേണം ഹാജരാകുവാന്. അപേക്ഷകനെ തിരിച്ചറിയുന്നതിനുള്ള അടയാളവും (മറുക്) ഫോണ് നമ്പരും കരുതണം.
ആലപ്പുഴ ജില്ലാ ഓഫീസിന്റെ പരിധിയില് വരുന്ന മാരാരിക്കുളം പഞ്ചായത്തിലുള്ളവര്ക്ക് അഞ്ചാംതീയതിയും, മണ്ണഞ്ചേരി പഞ്ചായ ത്തിലുള്ളവര്ക്ക് ആറാം തീയതിയും, ആലപ്പുഴ മുനിസിപ്പല് പ്രദേശത്ത് താമസിക്കുന്നവര്ക്ക് ഏഴാം തീയതിയും, അമ്പലപ്പുഴ, പുറക്കാട്, കുട്ടനാട് പ്രദേശങ്ങളിലുള്ളവര്ക്ക് എട്ടാംതീയതിയും ക്ഷേമനിധി ഓഫീസില് നിന്ന് അപേക്ഷാ ഫോറങ്ങള് വിതരണം ചെയ്യും. ഒരേ റേഷന് കാര്ഡില് ഉള്പ്പെട്ട ഒന്നിലധികം ക്ഷേമനിധി അംഗങ്ങള് ഉണ്ടെങ്കില് അവര്ക്കെല്ലാവര്ക്കും രജിസ്ട്രേഷന് ലഭിക്കുന്നതാണ്.
അവര് വിവരം പ്രത്യേകം ക്ഷേമനിധി ഓഫീസില് അറിയിക്കേണ്ടതും അപേക്ഷയില് രേഖപ്പെടുത്തേണ്ടതുമാണ്. ക്ഷേമനിധി അംഗങ്ങളായിട്ടുളള എല്ലാ കയര് തൊഴിലാളികളുടേയും മക്കള്ക്ക് പ്ലസ്ടു, ഐറ്റിഎ വരെയുള്ള കോഴ്സുകള്ക്ക് ഈ പദ്ധതിവഴി വിദ്യാഭ്യാസ സ്കോളര്ഷിപ്പ് ലഭിക്കുമെന്നതിനാല് ഈ വര്ഷം ഡിഗ്രിതലം മുതല് മുകളിലോട്ടുള്ള കോഴ്സുകള്ക്ക് മാത്രമേ ക്ഷേമനിധി ബോര്ഡ് അപേക്ഷകള് ക്ഷണിക്കുകയുള്ളൂ.
9-ാം ക്ലാസ്സ് മുതല് പ്ലസ് ടു / ഐറ്റിഎ വരെയുള്ള ക്ലാസ്സുകളില് പഠിക്കുന്ന മക്കളുളളവര് വിദ്യാ ഭ്യാസ സ്കോളര്ഷിപ്പിനുള്ള അപേക്ഷകള് വാങ്ങി പ്രിന്സി പ്പാളിന്റേയോ/ഹെഡ് മാസ്റ്ററുടേയോ സാക്ഷ്യപത്രം സഹിതം അക്ഷയ കേന്ദ്രങ്ങളില് ഹാജരാക്കി അപ്ലോഡ് ചെയ്തതി നുശേഷം ജനുവരി 12 മുതല് 20 നകം ക്ഷേമനിധി ഓഫീസില് ഹാജരാക്കണം.
