പത്തനംതിട്ട: ആചാര്യപാദങ്ങളില്‍ പ്രണമിച്ച് ബിജെപി സംസ്ഥാന അദ്ധ്യക്ഷന്‍ കുമ്മനം രാജശേഖരന്‍ ജില്ലയിലെത്തി. പ്രത്യക്ഷ രക്ഷാദൈവ സഭയുടെ ഇരവിപേരൂരെ ആസ്ഥാനമായ ശ്രീകുമാര നഗറില്‍ പൊയ്‌കയില്‍ ശ്രീകുമാര ഗുരുദേവന്റെ സമാധിമണ്ഡപത്തില്‍ പ്രാര്‍ത്ഥിച്ച് സഭാദ്ധ്യക്ഷന്‍ വൈ.സദാശിവനുമായി കൂടിക്കാഴ്ചയും ബിജെപി സംസ്ഥാന അദ്ധ്യക്ഷന്‍ നടത്തി. തുടര്‍ന്ന് പുല്ലാട് ശിവപാര്‍വ്വതി ബാലികാസദനത്തിലെത്തി. ബാലികാസദനത്തിലെ തങ്കപ്പന്‍സ്വാമി തിരുവടികളുടേയും സ്വാമിനി സ്വയംപ്രകാശിനിഅമ്മയുടേയും സമാധിമണ്ഡപത്തില്‍ പുഷ്പാര്‍ച്ചന നടത്തി പ്രദക്ഷിണം വെച്ച് നമസ്‌ക്കരിച്ചു. തുടര്‍ന്ന് ബാലികാ സദനത്തില്‍ ഉച്ചഭക്ഷണവും കഴിച്ച് അദ്ദേഹം മടങ്ങി. ബാലികാസദനത്തിലെത്തിയ ബിജെപി സംസ്ഥാന അദ്ധ്യക്ഷന്‍ കുമ്മനം രാജശേഖരനെ ബാലികാസദനം പ്രസിഡന്റ് അജയന്‍ വല്യൂഴത്തില്‍, സെക്രട്ടറി അമ്പോറ്റി കോഴഞ്ചേരി എന്നിവര്‍ ഷാളണിയിച്ച് സ്വീകരിച്ചു. ജോ.സെക്രട്ടറി മഹേഷ് കുമാര്‍, അജിത്ത് പുല്ലാട്, പി.ഉണ്ണികൃഷ്ണന്‍, കോയിപ്രം പഞ്ചായത്തംഗം ശ്രീകല, അയിരൂര്‍ ഗ്രാമപഞ്ചായത്തംഗം ഗോപിനാഥന്‍നായര്‍, തുടങ്ങിയവരടക്കം നിരവധിയാളുകള്‍ അദ്ദേഹത്തെ സ്വീകരിക്കാനെത്തിയിരുന്നു. ആറന്മുള ശബരീബാലാശ്രമത്തിലും അദ്ദേഹം സന്ദര്‍ശനം നടത്തി. ബാലാശ്രമത്തിലെത്തിയ അദ്ദേഹത്തെ ആറന്മുള പൈതൃക ഗ്രാമകര്‍മ്മസമിതി പ്രസിഡന്റ് പി.ഇന്ദുചൂഡന്‍, കണ്‍വീനര്‍ ചന്ദ്രശേഖരന്‍നായര്‍, പി.സി.ശ്രീകുമാര്‍, വി.ജി.മോഹനന്‍, ഷാജിആര്‍.നായര്‍ തുടങ്ങിയവര്‍ ചേര്‍ന്ന് സ്വീകരിച്ചു. വൈകിട്ട് ബിജെപി പത്തനംതിട്ട ജില്ലാ നേതൃയോഗത്തിലും അദ്ദേഹം സംബന്ധിച്ചു.
ആചാര്യപാദങ്ങളില്‍ പ്രണമിച്ച് കുമ്മനം രാജശേഖരന്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.