കുട്ടനാട്: നിര്ത്തിയിട്ടിരുന്ന ലോറിക്കുപിന്നില് കാറിടിച്ച് തീര്ത്ഥാടകരായ ഒമ്പതുപേര്ക്ക് പരിക്കേറ്റു. ഇന്നലെ പുലര്ച്ചെ അഞ്ചരയോടെ എസി റോഡില് രാമങ്കരി എസ്ബിടിക്കു സമീപമാണ് അപകടം.
തിരുവല്ല- മണിപ്പുഴ അനുനിവാസില് മുരളീധരന് (58), ലീലാമ്മ (56), മണിപ്പുഴ പടിഞ്ഞാറേതില് കരുണാകരന് (74), തിരുവല്ല സന്തോഷ്ഭവനത്തില് ഗീത (50), കോട്ടയം നെടുംകുന്നം പടിഞ്ഞാറേതില് ശ്രീകുമാരി (65), കവിത (35), രമാദേവി (60),വിഷ്ണുനാഥ് (4), ഡ്രൈവര് ദാസപ്പന് എന്നിവരാണ് അപകടത്തില്പ്പെട്ടത്. ദാസപ്പനെ തിരുവല്ലയിലെ സ്വകാര്യ ആശുപത്രിയിലും മറ്റുള്ളവരെ ആലപ്പുഴ മെഡിക്കല് കോളേജിലെ തീവ്രപരിചരണ വിഭാഗത്തിലും പ്രവേശിപ്പിച്ചു.
നാലുവയസുള്ള വിഷ്ണുനാഥിനൊഴിച്ച് ബാക്കിയുള്ളവര്ക്കെല്ലാം കൈക്കും കാലിനും തലയ്ക്കുമാണ് പരിക്കേറ്റത്. ബന്ധുക്കളായ ഇവര് തിരുവൈരാണിക്കുളം ക്ഷേത്രത്തിലെ നടതുറപ്പു മഹോത്സവത്തില് പങ്കെടുത്തശേഷം തിരികെ കാറില് മടങ്ങുമ്പോഴായിരുന്നു കാറിന്റെ നിയന്ത്രണം വിട്ടത്.
നിയന്ത്രണംവിട്ട കാര് റോഡ്സൈഡില് പാര്ക്കുചെയ്തിരുന്ന സിമന്റുകയറ്റിവന്ന ലോറിക്കു പിന്നില് ഇടിക്കുകയായിരുന്നു. ഇടിയുടെ ആഘാതത്തില് കാറിന്റെ മുന്ഭാഗം പൂര്ണമായും തകര്ന്നു. അപകടത്തില്പ്പെട്ടവരെ നാട്ടുകാരും ഹൈവേ പോലീസും ചേ ര്ന്ന് ഏറെ പണിപ്പെട്ടാണ് ആശുപത്രിയിലെത്തിച്ചത്.
യാത്രാക്ഷീണം കൊണ്ട് ഡ്രൈവര് ഉറങ്ങിപ്പോയതാണ് അപകടകാരണമെന്ന് പോലീസ് പറയുന്നു.
