ആലപ്പുഴ: അദ്ധ്യാപകരുടെ സ്ഥലംമാറ്റത്തെ തുടര്‍ന്ന് ഒഴിവുവന്ന പിടിസിഎം വേക്കന്‍സിയില്‍ ഒന്നരവര്‍ഷമായിട്ടും നിയമിക്കാതിരിക്കുകയും നിലവിലുള്ള അദ്ധ്യാപകരെ സെന്‍സസ് ഡ്യൂട്ടിക്ക് നിയമിച്ചതുമൂലം വിദ്യാര്‍ത്ഥികളുടെ പഠനം മുടങ്ങുന്നു. ഹരിപ്പാട് ഉപജില്ലാ വിദ്യാഭ്യാസ ഓഫീസിന്റെ പരിധിയില്‍പ്പെട്ട കാര്‍ത്തികപ്പള്ളി ഗവ. യുപി സ്‌കൂളിലെ നാനൂറോളം വിദ്യാര്‍ത്ഥികളാണ് സര്‍ക്കാരിന്റെ കെടുകാര്യസ്ഥതയില്‍പ്പെട്ട് പഠനം മുടങ്ങിയത്. ചിങ്ങോലി, കാര്‍ത്തികപ്പള്ളി പഞ്ചായത്തുകളിലെ ദരിദ്ര കുടുംബങ്ങളിലെ കുട്ടികളാണ് ഇരുന്നൂറുവര്‍ഷം പഴക്കമുള്ള ഈ സര്‍ക്കാര്‍ വിദ്യാലയത്തില്‍ പഠിക്കുന്നത്. ശ്രദ്ധേയമായ പ്രകടന കാഴ്ചവയ്‌ക്കുന്ന സ്‌കൂളിനെ തകര്‍ക്കാനുള്ള ഗൂഢശ്രമമാണ് സര്‍ക്കാര്‍ കാണിക്കുന്നതെന്ന് എസ്എംസി ആരോപിച്ചു. വളരെ കാര്യക്ഷമമായി പ്രവര്‍ത്തിക്കുന്ന സ്‌കൂളില്‍ ഈ അദ്ധ്യയന വര്‍ഷത്തില്‍ പ്രീപ്രൈമറിയടക്കം 416 കുട്ടികളാണ് പഠിക്കുന്നത്. കുട്ടികളുടെ എണ്ണമനുസരിച്ച് പുതുതായുണ്ടായ നാല് അദ്ധ്യാപക തസ്തികകളില്‍ അദ്ധ്യാപകരെ നിയമിച്ചിട്ടില്ല.പ്രീപ്രൈമറിയിലെ മൂന്നു ഡിവിഷന്‍ കൂടാതെ ഒന്നു മുതല്‍ ഏഴുവരെ പത്തു ഡിവിഷനുകള്‍ പ്രവര്‍ത്തിച്ചിരുന്ന ഈ സ്‌കൂളില്‍ അദ്ധ്യാപകര്‍ കുറയുന്നത് വിദ്യാര്‍ത്ഥികളുടെ പഠനം തടസ്സപ്പെടുകയും അവരുടെ സുരക്ഷിതത്വം ഉറപ്പാക്കാന്‍കഴിയാത്ത സ്ഥിതിയാണ് ഉണ്ടായിരിക്കുന്നതെന്നും എസ്എംസി ചെയര്‍മാന്‍ ബി. കൃഷ്ണകുമാര്‍, വി.ആര്‍. രഞ്ജിവ്, സി.ആര്‍. സനില്‍കുമാര്‍, ജെ. പ്രസന്നന്‍ എന്നിവര്‍ അറിയിച്ചു.
അദ്ധ്യാപകരെ നിയമിച്ചില്ല; വിദ്യാര്‍ത്ഥികളുടെ പഠനം മുടങ്ങുന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.