ആലപ്പുഴ: കെഎസ്ആര്ടിസി ബസ് സ്റ്റേഷന് പരിസരത്ത് പാര്ക്കിങ് സൗകര്യം ഏര്പ്പെടുത്തമെന്ന് ആവശ്യമുയരുന്നു. നൂറു കണക്കിനു യാത്രക്കാരാണ് സ്റ്റേഷന് പരിസരത്തുള്ള റോഡുവക്കില് ഇരുചക്രവാഹനങ്ങളും മറ്റും പാര്ക്കു ചെയ്തിട്ടു പൊതുഗതാഗതമാര്ഗം ഉപയോഗിക്കുന്നത്.
പോലീസുകാര് പലപ്പോഴും ഇത്തരം വാഹനങ്ങളുടെ ടയറുകളില് നിന്നു കാറ്റൂരി വിട്ട സംഭവങ്ങളുണ്ടായപ്പോള് യാത്രക്കാരില് നിന്നു പ്രതിഷേധം രൂക്ഷമായിട്ടുള്ളതാണ്. പെട്രോള് ഊറ്റുകാരുടേയും ഹെല്മറ്റ്, മിറര് മോഷ്ടാക്കളുടെയും ശല്യം വേറെ. അവിടെ വാഹനങ്ങള് പാര്ക്കു ചെയ്തിട്ടു ബസില് കയറിപ്പോകുന്നവരെല്ലാം നിയമലംഘനം നടത്തുകയാണെന്ന വിധത്തില് ചില കേന്ദ്രങ്ങള് പ്രചാരണം നടത്തുന്നത് അപലപനീയമാണെന്നു തത്തംപള്ളി റസിഡന്റ്സ് അസോസിയേഷന് പ്രസ്താവിച്ചു.
ട്രാന്സ്പോര്ട്ട് ബസ് സ്റ്റേഷനു സമീപമുള്ള അഗ്നിശമന സേനയുടെ കേന്ദ്രത്തില് നിന്നുള്ള വാഹനങ്ങള്ക്കു കടന്നുപോകാന് റോഡുവക്കിലെ പാര്ക്കിംഗ് തടസ്സമാകുന്നുണ്ടെന്നാണ് കാരണമായി എടുത്തുകാട്ടുന്നത്. എന്നാല് റോഡുവക്കിലെ കടകളും കൈയേറ്റങ്ങളും അനധികൃത വളച്ചുകെട്ടലുമാണ് യാഥാര്ഥത്തില് തടസമാകുന്നത്.
ട്രാന്സ്പോര്ട്ട് സ്റ്റേഷന് ആധുനിക രീതിയില് പുതുക്കിപ്പണിയാനുള്ള നടപടികള് സ്വീകരിച്ചുകൊണ്ടിരിക്കുന്നതിനാല് ടൂ വീലര്, ഫോര് വീലര് പാര്ക്കിംഗിനുള്ള സൗകര്യങ്ങള് ഉറപ്പാക്കുകയും റോഡിലെ തടസ്സങ്ങള് നീക്കുകയും വേണമെന്ന് ആവശ്യമുയരുന്നു.
