തിരുവല്ല:കുടിവെള്ള വിതരണം മുടങ്ങിയതില്‍ പ്രതിഷേധിച്ച് സിഎസ്ഡിഎസിന്റെ നേതൃത്വത്തില്‍ വീട്ടമ്മമാര്‍ അടക്കം നൂറോളം പേര്‍ തിരുവല്ല ജലവിതരണ വകുപ്പ് ഓഫീസ് ഉപരോധിച്ചു.് പെരിങ്ങര പഞ്ചായത്തിലെ മൂന്ന് നാല് വാര്‍ഡ്കളില്‍ ഉള്‍പ്പെടുന്ന വേങ്ങല്‍ മുണ്ടപ്പള്ളി കോളനി ,തണുങ്ങാട് അയ്യനാവേലില്‍ എന്നീപ്രദേശങ്ങളില്‍ ഒരുവര്‍ഷക്കാലത്തിലേറെയായി കുടിവെള്ള വിതരണം മുടങ്ങിയതില്‍ പ്രതിഷേധിച്ചാണ് വേങ്ങല്‍ കുടുബയോഗത്തിന്റെ നേതൃത്വത്തില്‍ ഇന്നലെ രാവിലെ 10മണിമുതല്‍ ജലവിതരണ വകുപ്പ് ഓഫീസ് ഉപരോധിച്ചത.ഇന്ന് മുതല്‍ ആഴ്ചയില്‍ ഒരുദിവസം ജലവിതരണം നടത്തുമെന്ന ്എക്‌സിക്യൂട്ടീവ് എന്‍ജിനിയറുടെ ഉറപ്പിന്മേലാണ് രണ്ട് മണിക്കൂര്‍ നീണ്ടുനിന്ന ഉപരോധ സമരം അവസാനിച്ചത്.സിഎസ്ഡിഎസ് താലൂക്ക് കമ്മിറ്റി അംഗം തോമസ് ജോഷ്വ,കുടുബയോഗം പ്രസിഡന്റ് ജോസ് അഞ്ചങ്കത്തില്‍,റെജി.വി.ജേക്കബ്,രാജേഷ്,പൊന്നമ്മ,രാജമ്മ,ചെല്ലമ്മ എന്നിവര്‍ ഉപരോധ സമരത്തിന് നേതൃത്വം നല്‍കി.
കുടിവെള്ളം മുടങ്ങി; നാട്ടുകാര്‍ ജലവിതരണ വകുപ്പ് ഓഫീസ് ഉപരോധിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.