പ്രധാനമന്ത്രി 14 ന് തൃശൂരിലും 15 ന് കൊല്ലത്തും ശിവഗിരിയിലും സന്ദര്ശനം നടത്തും. പ്രധാനമന്ത്രിയായശേഷം കേരളത്തില് ആദ്യസന്ദര്ശനമാണിത്. ഈ അവസരത്തില് അദ്ദേഹത്തിന് 12 ഇന ആവശ്യങ്ങള് സമര്പ്പിക്കുമെന്നറിയുന്നു. കേന്ദ്രത്തോട് അഭ്യര്ത്ഥിച്ച മറ്റ് 15 വിഷയങ്ങള് 12-ാം തീയതിയിലത്തെ ജന്മഭൂമിയിലുണ്ട്.
ഒരു പ്രധാന ആവശ്യം വിട്ടുപോയിട്ടുണ്ട്. 1999 മെയ് 25 നാണ് നെടുമ്പാശ്ശേരി വിമാനത്താവളം ഉദ്ഘാടനം ചെയ്തത്. അന്നുമുതല് നിരവധി കത്തുകളും നിവേദനങ്ങളും വഴിയുള്ള ആവശ്യമാണ് വിമാനത്താവളത്തിന്റെ പേര് ആദിശങ്കരാചാര്യ എയര്പോര്ട്ട് എന്നാക്കണമെന്ന്. ലോകപ്രസിദ്ധനായ ദാര്ശനികനാണ് ശങ്കരാചാര്യര്. ആചാര്യര് ജനിച്ച കാലടിക്ക് സമീപമുള്ള ഈ വിമാനത്താവളത്തിന് വേറൊരു പേര് യോജിക്കുകയില്ലെന്ന് പറയാതെവയ്യ. പേര് മാറ്റുന്ന കാര്യം ഇനി ഒട്ടും വൈകിക്കൂടാ. ബന്ധപ്പെട്ടവര് ഇക്കാര്യം പ്രധാനമന്ത്രിയുടെ ശ്രദ്ധയില്പ്പെടുത്തുമെന്ന് ആശിക്കുന്നു. കേരളജനത മാത്രമല്ല ഹിന്ദുസമൂഹം മുഴുവന് ആഗ്രഹിക്കുന്ന ഒരു ആവശ്യമാണിത്.
തളി ശങ്കരന് മൂസത്, ഇടപ്പള്ളി
