ലേഖനം വളരെ വിജ്ഞാനപ്രദമായിരുന്നു. പരിപാവനവും മഹത്തരവുമായ നമ്മുടെ ഭരണഘടനയുടെ പൊരുള് സാമാന്യജനതക്ക് മനസ്സിലാക്കത്തക്കവിധത്തില് വിശദമായ ആ ലേഖനം തയ്യാറാക്കിയ ജസ്റ്റിസ് കെ.ടി. തോമസിന് എന്റെ അഭിനന്ദനങ്ങള്.
ഭരണഘടനയുടെ വിവിധ വകുപ്പുകളെ തങ്ങള്ക്ക് പാദസേവ ചെയ്യുന്നവര്ക്കും താല്പര്യമുള്ളവര്ക്കും പ്രയോജനപ്പെടുത്തുന്നതിനു വേണ്ടി വളച്ചൊടിച്ച് ചില പ്രത്യേക വിഭാഗങ്ങള്ക്ക് എല്ലാവിധ ആനുകൂല്യങ്ങളും നല്കി തങ്ങളുടെ വോട്ടുബാങ്കാക്കി കഴിഞ്ഞ അറുപത്തെട്ട് വര്ഷവും യഥാര്ത്ഥത്തില് അര്ഹിക്കുന്നവര്ക്ക് നിഷേധിക്കുന്ന രീതി തുടര്ന്നുപോരികയാണ്. രാജ്യത്തെ ജനങ്ങളെ ഭൂരിപക്ഷമെന്നും ന്യൂനപക്ഷമെന്നും തിരിച്ച് രണ്ട് തട്ടുകളിലാക്കി ലാഭം കൊയ്യുകയായിരുന്നു ഭരണാധികാരികളും രാഷ്ട്രീയക്കാരും.
ഇവരുടെ ഈ ചതി ഭാരതജനത തിരിച്ചറിയേണ്ട കാലം കഴിഞ്ഞു. സ്വാതന്ത്ര്യസമരത്തില് ഉയര്ത്തിയ മുദ്രാവാക്യം ‘ഒരൊറ്റ ജനത, ഒരൊറ്റ ഇന്ത്യ’ ഇത് വീണ്ടും ഏറ്റുപറഞ്ഞ് മുഴുവന് ജനതയെയും ഭാരതമെന്ന പുണ്യഭൂമിക്കുവേണ്ടി, അവളുടെ സദ്സന്താനങ്ങള്ക്കുവേണ്ടി ഒരുമിച്ചുനിന്നു പോരാടുവാന്, ഇനിയുള്ള ഭരണാധികാരികള്ക്ക് കഴിയട്ടെ എന്നാശിക്കുന്നു. ഒപ്പം വിഭജിച്ചു ഭരിക്കുന്നതിന് കൂട്ടുനില്ക്കുന്ന മുഴുവന് ആള്ക്കാരെയും അധികാരത്തിന്റെ അയല്പക്കത്തുനിന്നുപോലും മാറ്റിനിര്ത്തുവാന് ഓരോ ഭാരതീയനും ശ്രദ്ധിക്കണം എന്നുകൂടി ഓര്മ്മപ്പെടുത്തുന്നു.
എം.എസ്. പത്മനാഭന്, കോട്ടയം
