ആലപ്പുഴ: ഓരുവെള്ളം കയറി കൃഷിക്ക് ദോഷമുണ്ടാകാതിരിക്കാന് ഡിസംബര് 15നുള്ളില് ഓരുമുട്ടുകള് സ്ഥാപിക്കാനുള്ള നടപടിയെടുക്കാന് ജില്ലാ കളക്ടര് എന്. പത്മകുമാര് മൈനര് ഇറിഗേഷന് എക്സിക്യൂട്ടീവ് എന്ജിനീയര്ക്കു നിര്ദേശം നല്കി. ജില്ലാ വികസനസമിതി യോഗത്തില് ആധ്യക്ഷ്യം വഹിക്കുകയായിരുന്നു അദ്ദേഹം.
ആലപ്പുഴ, ഹരിപ്പാട്, ചെങ്ങന്നൂര്, കായംകുളം എന്നിവിടങ്ങളിലും ചേര്ത്തലയിലെ എട്ടു പഞ്ചായത്തുകളിലും ഓരുമുട്ട് സ്ഥാപിക്കുന്നതിന് ടെണ്ടര് ക്ഷണിച്ചതായി ഇറിഗേഷന് ഉദ്യോഗസ്ഥര് യോഗത്തെ അറിയിച്ചു. ടെണ്ടര് നടപടികള് പൂര്ത്തീകരിച്ച് ഡിസംബര് 15നകം ഓരുമുട്ടുകള് സ്ഥാപിക്കണമെന്ന് കളക്ടര് പറഞ്ഞു.
തകഴി പ്രാഥമികാരോഗ്യകേന്ദ്രത്തില് ഡോക്ടറെ ഉടന് നിയമിക്കാന് നടപടിയെടുക്കുമെന്ന് ജില്ലാ മെഡിക്കല് ഓഫീസര് യോഗത്തെ അറിയിച്ചു.
എടത്വാ-തകഴി റോഡില് അറ്റകുറ്റപ്പണി ആരംഭിച്ചതായി പൊതുമരാമത്തു വകുപ്പ് യോഗത്തെ അറിയിച്ചു. കുഴല്ക്കിണറിനുള്ള എസ്റ്റിമേറ്റ് തയാറാക്കുന്നതായി ഭൂഗര്ഭജല വകുപ്പ് ഉദ്യോഗസ്ഥന് പറഞ്ഞു. പൈപ്പിടുന്നതിന് അനുമതി ലഭിക്കാത്തതിനാലാണ് കുടിവെള്ള പദ്ധതി പൂര്ത്തീകരിക്കാനാകാത്തതെന്ന് വാട്ടര് അതോറിറ്റി അറിയിച്ചു. പൊതുമരാമത്തു വകുപ്പിന് പണം അടച്ച് അനുമതി വാങ്ങി പദ്ധതി ഉടന് പൂര്ത്തീകരിക്കാന് ജില്ലാ കളക്ടര് നിര്ദേശം നല്കി. എംപി, എംഎല്എ ഫണ്ടുപയോഗിച്ച് സ്മാര്ട് ക്ലാസുകള്ക്കായി കമ്പ്യൂട്ടറടക്കം വാങ്ങുന്ന പദ്ധതികള് വേഗത്തിലാക്കാന് വിദ്യാഭ്യാസ ഉപഡയറക്ടര്ക്ക് കളക്ടര് നിര്ദേശം നല്കി. ഇറിഗേഷന് മെക്കാനിക്കല് വിഭാഗത്തിന് അനുവദിച്ച പോളവാരല് യന്ത്രം തോടുകളിലെയും മറ്റും പോള മാറ്റുന്നതിന് വാടകയ്ക്ക് ലഭിക്കുമെന്നും തദ്ദേശസ്വയംഭരണ സ്്ഥാപനങ്ങള്ക്കടക്കം ഈ സൗകര്യം ഉപയോഗിക്കാമെന്നും കളക്ടര് പറഞ്ഞു.
