കരീപ്ര: തളവൂര്ക്കോണം നെല്ലിമുക്കിനു സമീപം മരണവീടിന് മുന്നില് ദേശീയപതാക പോസ്റ്റില് കെട്ടിയ നിലയില്. സാമുദായിക സംഘടന കെട്ടിയ കരിങ്കൊടിയോടു ചേര്ത്ത് ദേശീയപതാക ഇലക്ട്രിക് പോസ്റ്റിലാണ് കെട്ടിയിരിക്കുന്നത്. ഇക്കഴിഞ്ഞ തദ്ദേശ സ്വയംഭരണ തെരഞ്ഞെടുപ്പില് വിജയിച്ച വിജയകുമാറിന്റെ നേതൃത്വത്തിലാണ് സ്ഥലത്തെ കോണ്ഗ്രസ് പ്രവര്ത്തകര് ദേശീയപതാകയോട് അവഹേളനം കാട്ടിയത്. ഇത്തരം രാജ്യദ്രോഹ പ്രവര്ത്തനങ്ങളെ അതീവ ഗൗരവത്തോടെ കാണണമെന്ന് ആവശ്യമുയര്ന്നു.
ദേശീയ പതാകയെ പാര്ട്ടി കൊടിയാക്കിയ ആളുകളുടെ രാഷ്ട്രീയപ്രബുദ്ധത ജനം തിരിച്ചറിയണമെന്നും പ്രതികള്ക്കെതിരെ രാജ്യദ്രോഹകുറ്റത്തിന് കേസെടുക്കണമെന്നും ഇത്തരം രാജ്യദ്രോഹ നടപടികളുമായി ആരെയും പ്രവര്ത്തിക്കാന് അനുവദിക്കില്ലന്നും ബിജെപി പഞ്ചായത്ത് പ്രസിഡന്റ് കടക്കോട് ഓമനക്കുട്ടന് പിള്ള അറിയിച്ചു.
