മാവേലിക്കര: എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് നയിക്കുന്ന സമത്വ മുന്നേറ്റ യാത്രയോടനുബന്ധിച്ച് മാവേലിക്കര എസ്എന്ഡിപി യൂണിയന്റെ ആഭിമുഖ്യത്തില് സമത്വ മുന്നേറ്റ യാത്ര വിളംബര വാഹന റാലി സംഘടിപ്പിക്കുന്നു.
28ന് രാവിലെ 8.30ന് വള്ളികുന്നം ചൂനാട് അമ്പാടി ആഡിറ്റോറിയത്തില് നിന്നും ആരംഭിക്കുന്ന റാലി യൂണിയന് പ്രസിഡന്റ് സുഭാഷ്വാസു ഫഌഗ് ഓഫ് ചെയ്യും. തുടര്ന്ന് ചൂനാട് അറാഫ ജംഗ്ഷന്, പാറയ്ക്കല്, മൂന്നാംകുറ്റി, കറ്റാനം, ചാരുംമൂട്, ചുനക്കര, മാങ്കാംകുഴി, കൊച്ചാലുംമൂട്, പുതിയകാവ്, മിച്ചല് ജംഗ്ഷന്, ളാഹ, ആല്ത്തറമൂട്, ചെട്ടികുളങ്ങര കിഴക്കേനട, ആലയ്ക്കല് ജംഗ്ഷന്, ചെട്ടികുളങ്ങര മാര്ക്കറ്റ്, തട്ടാരമ്പലം, കോട്ടമുറി, തൃപ്പെരുംന്തുറ, ഇരമത്തൂര്, പുത്തുവിളപ്പടി തുടങ്ങിയ സ്ഥലങ്ങളിലെ സ്വീകരണങ്ങള് ഏറ്റുവാങ്ങി ഉച്ചയ്ക്ക് 12.30ന് മഹാത്മ പബ്ലിക് സ്കൂള് ഓഡിറ്റോറിയത്തില് സമാപിക്കുമെന്ന് യൂണിയന് പ്രസിഡന്റ് സുഭാഷ്വാസു, വൈസ്പ്രസിഡന്റ് ഷാജി.എം.പണിയ്ക്കര്, സെക്രട്ടറി ബി.സുരേഷ്ബാബു എന്നിവര് അറിയിച്ചു.
ഹരിപ്പാട്: എസ്എന്ഡിപി യോഗം കാര്ത്തികപ്പള്ളി യൂത്ത്മൂവ്മെന്റിന്റെ നേതൃത്വത്തില് 27,28 തീയതികളില് ഹരിപ്പാട് നിയോജകമണ്ഡലത്തിന്റെ വിവിധ മേഘലകളില് സമത്വ മുന്നേറ്റ വിളംബര ജാഥ നടത്തുന്നു.
യൂത്ത് മൂവ്മെന്റ് കാര്ത്തികപ്പള്ളി യൂണിയന് സമിതി പ്രസിഡന്റ് സുവിന്സുന്ദര് ക്യാപ്റ്റനായും സെക്രട്ടറി ദിനുവാലുപറമ്പില് വൈസ് ക്യാപ്റ്റനായും നയിക്കുന്ന സമത്വമുന്നേറ്റ വിളംബരജാഥയുടെ ഉദ്ഘാടനം ഇന്ന് രാവിലെ എട്ടിന് തോട്ടപ്പള്ളി 2189-ാം നമ്പര് എസ്എന്ഡിപി ശാഖാ ഗുരുക്ഷേത്ര അങ്കണത്തില് നടക്കും.
കാര്ത്തികപ്പള്ളി യൂണിയന് പ്രസിഡന്റ് കെ.അശോകപ്പണിക്കര് അദ്ധ്യക്ഷത വഹിക്കുന്ന യോഗം യൂണിയന് സെക്രട്ടറി അഡ്വ. ആര്. രാജേഷ്ചന്ദ്രന് ഉദ്ഘാടനം ചെയ്യും. മേഘലാ കണ്വീനര് എം.സോമന് വിളംബര ജാഥാ സന്ദേശം നല്കും.
തുടര്ന്ന് തോട്ടപ്പള്ളി, കുമാരകൊടി, പാനൂര്, പപ്പന് മുക്ക്, തൃക്കുന്നപുഴ, പുളുക്കി, വലിയകുളങ്ങര, കാര്ത്തികപ്പള്ളി, നങ്ങ്യാര്കുളങ്ങര, മണിമലമുക്ക്, പള്ളിപ്പാട് മുക്ക്, നടുവട്ടം, പള്ളിപ്പാട് ചന്ത, പോയ്യക്കര തുടങ്ങിയ കേന്ദ്രങ്ങളില് സ്വീകരണങ്ങള് ഏറ്റുവാങ്ങി ഒന്നാം ദിവസം ഹരിപ്പാട് കെഎസ്ആര്ടിസി ബസ് സ്റ്റാന്റില് സമാപിക്കും.
ശനിയാഴ്ച രാവിലെ ഒന്പതിന് ഡാണാപ്പടി ജംഗ്ഷനില് നിന്നും ആരംഭിക്കുന്ന ജാഥ കുമാരപുരം പഞ്ചായത്ത്, കെ.വി. ജെട്ടി, കരുവാറ്റ, കടുവംകുളം, റ്റി.ബി, ഊട്ടുപറമ്പ്, എസ്എന് നഗര്, കന്നുകാലിപ്പാലം, ആയാപറമ്പ്, വീയപുരം കോയിക്കല്, കുറ്റിയില് മുക്ക്, പായിപ്പാട്, ശാസ്താമുറി, വാത്തുകുളങ്ങര കുറ്റിക്കാട് തുടങ്ങിയ കേന്ദ്രങ്ങളില് സ്വീകരണങ്ങള് ഏറ്റുവാങ്ങി ഹരിപ്പാട് ടൗണ് ഹാള് ജംഗ്ഷനില് മഹാ സമ്മേളനതോടെ സമാപിക്കും. എസ്എന്ഡിപി യോഗം കാര്ത്തികപ്പള്ളി യൂണിയന് പ്രസിഡന്റ് കെ.അശോകപ്പണിക്കര് അദ്ധ്യക്ഷത വഹിക്കുന്ന സമ്മേളനം യൂണിയന് യൂത്ത്മൂവ്മെന്റ് സംസ്ഥാന ജോ.കണ്വീനര് സന്തോഷ് ശാന്തി ഉദ്ഘാടനം ചെയ്യും എസ്എന്ഡിപി യോഗം മുന് അസി. സെക്രട്ടറി പ്രൊഫ. സി.എം. ലോഹിതന് മുഖ്യപ്രഭാഷണം നടത്തും.
