കൊച്ചി: സമുദ്രമത്സ്യസമ്പത്ത് കുറഞ്ഞുവരുന്നതിന്റെ പ്രധാന കാരണം അനിയന്ത്രിതവും അശാസത്രീയവുമായ മത്സ്യബന്ധനരീതികളാണെന്ന് മന്ത്രി കെ. ബാബു. മത്സ്യമേഖലയ്ക്ക് ഭീഷണിയായ കാലാവസ്ഥാവ്യതിയാനവും ആഗോളതാപനവും തടയുന്നതോടൊപ്പം തന്നെ അമിതമായ മത്സ്യബന്ധനരീതികളും ശക്തമായി തടയേണ്ടതുണ്ടെന്നും അദ്ദേഹം പറഞ്ഞു. കേരള ഫിഷറീസ് സമുദ്രപഠന സര്വകലാശാലയില് (കുഫോസ്) ലോക ഫിഷറീസ് ദിനാഘോഷ പരിപാടികള് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കുഫോസിന്റെ മൂന്നാമത് ഫിഷറീസ് അവാര്ഡ് ജേതാക്കള്ക്ക് മന്ത്രി പുരസ്കാരങ്ങള് സമ്മാനിച്ചു. മികച്ച പരമ്പരാഗത മത്സ്യത്തൊഴിലാളിയായി എടവനക്കാട് സ്വദേശി കെ.എ. പൈലി കണക്കശ്ശേരിയും മികച്ച മത്സ്യകര്ഷകനായി പുത്തന്വേലിക്കര പഞ്ചായത്തിലെ തിരുത്തൂര് സ്വദേശി പാടമ്മത്തുമ്മല് വീട്ടില് പി.ഡി. ജെന്സനും പുരസ്കാരങ്ങള് സ്വീകരിച്ചു. മികച്ച ഫിഷറീസ് ശാസ്ത്രജ്ഞനുള്ള പുരസ്കാരം ഡോ കെ ഗോപകുമാറും മികച്ച ഫിഷറീസ് വിദ്യാര്ത്ഥിക്കുള്ള അവാര്ഡ് കുഫോസിലെ എം എഫ് എസ് സി വിദ്യാര്ത്ഥിയായിരുന്ന ശാലിനി ഗോപിയും മന്ത്രിയില് നിന്നും സ്വീകരിച്ചു.
കുഫോസ് ഗവേണിംഗ് കൗണ്സില് അംഗങ്ങളായ ഡോ വി.എന്. സഞ്ജീവന്, അന്വര് ഹാഷിം, ഫിഷറീസ് ശാസ്ത്രജ്ഞന് ഡോ സുനില് മുഹമ്മദ്, ഡോ. ഡെയ്സി സി.കാപ്പന്, പ്രോവൈസ് ചാന്സലര് ഡോ കെ. പത്മകുമാര്, കുമ്പളം പഞ്ചായത്ത് പ്രസിഡന്റ് ഷെര്ലി ജോര്ജ്ജ്, ഡോ എം.കെ. സജീവന് എന്നിവര് സംസാരിച്ചു. ലോക ഫിഷറീസ് ദിനാഘോഷത്തിന്റെ ഭാഗമായി രണ്ട് ദിവസങ്ങളിലായി വിവിധ പരിപാടികളാണ് കുഫോസില് നടക്കുന്നത്. വൈസ്്ചാന്സലര് ഫ്ളാഗ് ഓഫ് ചെയ്ത ബഹുജനറാലിയില് സര്വകലാശാല അധ്യാപകര്, വിദ്യാര്ത്ഥികള്, പൊതുജനങ്ങള് എന്നിവര് പങ്കെടുത്തു.
കടല് സുരക്ഷയെക്കുറിച്ച് മത്സ്യത്തൊഴിലാളികള്ക്ക് പരിശീലനം, നാട്ടറിവുകളെക്കുറിച്ച് ചര്ച്ചാസമ്മേളനം, പ്രദര്ശനം, ഓപ്പണ് ഹൗസ് എന്നിവയും സംഘടിപ്പിച്ചു. ഫിഷറീസ് ക്വിസ്, കലാപരിപാടികള്, സമാപന സമ്മേളനം എന്നിവ ഇന്ന് നടക്കും.
