ബാലുശ്ശേരി: കഴിഞ്ഞ രണ്ടു ദിവസമായി ബാലുശ്ശേരി ഹൈസ്കൂള് ഗ്രൗണ്ടില് നടന്ന വടകര മേഖല വൊക്കേഷണല് എക്സ്പോയില് ബാലുശ്ശേരി ഗവ. വൊക്കേഷണല് ഹയര്സെക്കണ്ടറി സ്കൂള് ഓവറോള് ചാമ്പ്യന്മാരായി.
ചെലവ് കുറഞ്ഞ രീതിയില് മൂന്ന് സെന്റ് സ്ഥലത്ത് നിന്നും പച്ചക്കറികളും മത്സ്യങ്ങളും ഉല്പ്പാദിപ്പിച്ചെടുക്കുന്ന നൂതന കൃഷിരീതി, നിലവിലുള്ള അക്വാപോണിക്സിന്റെ ന്യൂനതകള് പരിഹരിച്ചുകൊണ്ട് പച്ചക്കറി കൃഷി പോളി ഹൗസിനുള്ളില് ചെയ്യുവാനുള്ള മാര്ഗ്ഗം, മണ്ണ് ഉപയോഗിച്ചുകൊണ്ട് ഒരു കുടുംബത്തിലേക്ക് ആവശ്യമായ എല്ലാ പോഷകങ്ങളും ലഭിക്കാനുതകുന്ന ന്യൂട്രിഷ്യന് ഗാര്ഡന്, മായം ചേര്ക്കാത്ത വിവിധ ഭക്ഷ്യ ഉല്പ്പന്നങ്ങള്, തുടങ്ങിയവയാണ് അവര് എക്പോയില് ഒരുക്കിയത്.
ആകര്ഷണീയവും അനുയോജ്യവും എന്നവിഭാഗത്തിലും ഇവര് ഒന്നാം സ്ഥാനം നേടി. റഹ്മാനിയ വി.എച്ച്എസ്എസ് കോഴിക്കോടാണ് റണ്ണേഴ്സ് അപ്പ് ആയത്.
ചിലവ് കുറഞ്ഞതും ഉപഭോക്തൃ സൗഹൃദവുമായ ഫിസിയോ തെറാപ്പി ഉപകരണങ്ങളാണ് ഇവരുടെ സ്റ്റാളിലുള്ളത്.
പാഠ്യപദ്ധതിയുമായി ബന്ധപ്പെട്ട വിഭാഗത്തില് ഗവ. വിഎച്ച്എസ്എസ് മീഞ്ചന്ത സ്കൂളിനാണ് ഒന്നാം സ്ഥാനം. വിവിധയിനം എല്ഇഡി വിളക്കുകളാണ് അവരുടെ സ്റ്റാളിലുള്ളത്.
വിപണന വിഭാഗത്തില് റഹ്മാനിയ വിഎച്ച്എസ്എസ് ഒന്നാമതെത്തി. വിവിധ ഇനം ഭക്ഷ്യഉല്പ്പന്നങ്ങള് ഒരുക്കി ഗവ. വിഎച്ച്എസ്എസ് കല്പ്പറ്റ രണ്ടാം സ്ഥാനം നേടി. ആകര്ഷണീയം വിഭാഗത്തില് ഗവ. വിഎച്ച്എസ്എസ് ബോയ്സ് കൊയിലാണ്ടി വാട്ടര് ലെവല് കണ്ട്രോള് ഡിവൈസുമായി രണ്ടാം സ്ഥാനത്തെത്തി. പഠന വിഭാഗത്തില് ഗവ. വിഎച്ച് എസ്എസ് രണ്ടാം സ്ഥാനം നേടി, കൃഷിയുമായി ബന്ധപ്പെട്ട വിഷയത്തിലാണ് രണ്ടാം സ്ഥാനം ലഭിച്ചത്.
അനുയോജ്യമായ വിഭാഗത്തില് വിഎച്ച്എസ്എസ് കിണാശ്ശേരി വിവിധയിനം ആംബ്ലിഫയര് സ്റ്റാളില് ലഭ്യമായിരുന്നു.
എം.എംവി എച്ച്എസ്എസ് കോഴിക്കോട്, എം.ജെ വിഎച്ച്എസ് എസ് വില്യാപ്പള്ളി കെകെഎം ജിവിഎച്ച്എസ്എസ് ഓര്ക്കാട്ടേരി എന്നിവര് വിവിധ വിഭാഗത്തില് മൂന്നാം സ്ഥാനം നേടി.
