കൊച്ചി: പെരുമ്പാവൂരില് ഒന്നര കിലോ കഞ്ചാവുമായി അറസ്റ്റിലായ യുവാവിനെ വീണ്ടും എക്സൈസ് എന്ഫോഴ്സ്മെന്റ് ആന്റ് ആന്റി നാര്കോട്ടിക് സ്പെഷ്യല് സ്ക്വാഡ് കഞ്ചാവുമായി പിടികൂടി. പെരുമ്പാവൂരില് മില്ലുപടി ഭാഗത്ത്കോളേജ് വിദ്യാര്ത്ഥികള്ക്ക് കഞ്ചാവ് കൈമാറുന്നതിനിടയിലാണ് വെങ്ങോല വില്ലേജില് പോഞ്ഞാശ്ശേരി കരയില് മങ്ങാടന് വീട്ടില് സാലുവിനെ (36) എക്സൈസ് സര്ക്കിള് ഇന്സ്പെക്ടര് ടി എസ് ശശികുമാര് അറസ്റ്റ് ചെയ്തത്. ഇയാളില് നിന്ന് കാല്കിലോ കഞ്ചാവും കഞ്ചാവ് കടത്താന് ഉപയോഗിച്ച ബൈക്കും കണ്ടെടുത്തു. ജാമ്യത്തില് ഇറങ്ങിയ ശേഷം തമിഴ് നാട്ടിലെ കമ്പത്തുനിന്നും വാങ്ങിയ കഞ്ചാവാണ് വില്പ്പന നടത്തിയതെന്ന് പ്രതി കുറ്റസമ്മതം നടത്തി. എറണാകുളം അസി. എക്സൈസ് കമ്മീഷണര് എ.എസ്. രഞ്ജിത്തിന്റെ നിര്ദ്ദേശാനുസരണം നടത്തിയ റെയ്ഡില് പ്രിവന്റീവ് ഓഫീസര് വി എ ജബ്ബാര്,സിവില് എക്സൈസ് ഓഫീസര്മാരായ ടി ഡി ജോസ്,സുനീഷ്കുമാര്,മണി,വിപിന് ബാബു, പ്രദീപ് കുമാര് എന്നിവര് പങ്കെടുത്തു. പ്രതിയെ പെരുമ്പാവൂര് മജിസ്ട്രേറ്റ് കോടതി മുമ്പാകെ ഹാജരാക്കി.
കഞ്ചാവ് വില്പ്പനക്കാരന് പിടിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.