പോണേക്കര: കൊച്ചിന് കോര്പ്പറേഷന് 36-ാം ഡിവിഷനില്പ്പെട്ട പോണേക്കരയിലുള്ള ബിജെപി ഓഫീസായ മാരാര്ജി ഭവന് നേരെ പെട്രോള് ബോംബേറ്. വ്യാഴാഴ്ച രാത്രി പത്തരതോടെ നമ്പര് മറച്ചുവെച്ച് കോളിസ് വാഹനത്തില് വന്ന ആറംഗ സംഘമാണ് പെട്രോള്ബോംബെറിഞ്ഞ് ഭീകരാന്തരീക്ഷം സൃഷ്ടിച്ചത്.
ആക്രമണത്തില് ബിജെപി ഓഫീസിലെ മേശകളും കസേരകളും ഫഌക്സ് ബോര്ഡുകളും കത്തിനശിച്ചു. കുറ്റക്കാരെ ഉടന് അറസ്റ്റുചെയ്യണമെന്ന് ബിജെപി മണ്ഡലം സെക്രട്ടറി യു.ആര്. രാജേഷ് ആവശ്യപ്പെട്ടു. ബിജെപി ജില്ലാ പ്രസിഡന്റ് അഡ്വ.പി.ജെ. തോമസ്, ജില്ലാ ജനറല് സെക്രട്ടറി എന്.പി. ശങ്കരന്കുട്ടി, ജില്ലാ വൈസ് പ്രസിഡന്റ് എന്. ശശികുമാര്, മധ്യമേഖലാ സെക്രട്ടറി കെ.എസ്. രാജേഷ്, എറണാകുളം മണ്ഡലം പ്രസിഡന്റ് കെ.എസ്. സുരേഷ്കുമാര്, സംസ്ഥാന സമിതിയംഗം പി.എന്. ശങ്കരനാരായണന്, കര്ഷകമോര്ച്ച മണ്ഡലം പ്രസിഡന്റ് ജയന് തോട്ടുങ്കല്, ആര്എസ്എസ് ചേരാനല്ലൂര് മണ്ഡലം കാര്യവാഹ് സെല്വന് എന്നിവര് സ്ഥലം സന്ദര്ശിച്ചു. എന്.പി. ശങ്കരന്കുട്ടിയുടെ നേതൃത്വത്തില് കുന്നുംപുറം കവലയില്നിന്നും പ്രതിഷേധപ്രകടനം നടത്തി.
