പഴയങ്ങാടി: ബാങ്കില് നിന്നും അരക്കോടിയോളം രൂപ തട്ടിയെടുത്ത യുവ നേതാവിനെ സിപിഎം നേതൃത്വം സംരക്ഷിക്കുന്നതില് പ്രതിഷേധിച്ച് എടക്കേപ്പുറം, കണ്ണപുരം ഭാഗങ്ങളില് വ്യാപക പോസ്റ്റര് പ്രചരണം. ഫേസ് ബുക്കിലും നിരവധി പോസ്റ്ററുകള് ഇതിനെതിരെ പ്രത്യക്ഷപ്പെട്ടിട്ടുണ്ട്. മാടായി സഹകരണ ബാങ്കിന്റെ കണ്ണപുരം ശാഖയില് നിന്നാണ് യുവനേതാവ് പണം തട്ടിയെടുത്തത്. പ്രമുഖ സാംസ്കാരിക പ്രഭാഷകനും സിപിഎം കണ്ണപുരം വെസ്റ്റ് ലോക്കല് കമ്മറ്റി ഭാരവാഹിയുമായ ഈ യുവ നേതാവ് ബാങ്കിന്റെ കണ്ണപുരം ശാഖയിലെ ഡിപ്പോസിറ്റ് കലക്ടറാണ്. ഇരിണാവ് റോഡിലെ സിപിഎം അനുഭാവിയുടെ ഉടമസ്ഥതയിലുള്ള പ്രമുഖ ഇന്റസ്ട്രീസ് സ്ഥാപനത്തില് നിന്നും മാസംതോറും നല്കിവരുന്ന നിക്ഷേപത്തുകയില് 15 ലക്ഷത്തോളം രൂപ ബാങ്കിലെത്തിയിരുന്നില്ല. ഈ വ്യവസായി കുറച്ചുനാള് മുമ്പ് തന്റെ അക്കൗണ്ടിലെ തുക അറിയാന് ബാങ്കുമായി ബന്ധപ്പെട്ടപ്പോഴാണ് തട്ടിപ്പ് പുറത്തു വന്നത്. ഇയാള് മാസം തോറം വന്തുക ബാങ്കില് ഡിപ്പോസിറ്റായി നല്കാറുണ്ടായിരുന്നു. തുകക്ക് കൃത്യമായി റസീതും നല്കാറുണ്ടായിരുന്നു. തട്ടിപ്പ് മനസ്സിലായതോടെ വ്യവസായി ബാങ്ക് അധികൃതര്ക്ക് പരാതി നല്കിയതിനെ തുടര്ന്ന് ബാങ്ക് അധികൃതര് നടത്തിയ പരിശോധനയിലാണ് ഇത്തരത്തില് അരക്കോടിയിലേറെ രൂപ യുവനേതാവ് തട്ടിയെടുത്തതായി തിരിച്ചറിഞ്ഞത്. എന്നാല് സംഭവത്തില് പ്രതിയായ യുവനേതാവിനെതിരെ സിപിഎം നേതൃത്വം നടപടിയെടുക്കാത്തതില് പ്രതിഷേധിച്ചാണ് ഇപ്പോള് ഈ മേഖലയില് പോസ്റ്റര് പ്രചരണം നടന്നിട്ടുള്ളത്.
ബാങ്കിന്റെ അരക്കോടി രൂപ തട്ടിയെടുത്ത സംഭവം; സിപിഎം നേതാവിനെതിരെ വ്യാപകമായ പോസ്റ്റര് പ്രചരണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.