കോഴിക്കോട്: എസ്എന്ഡിപി യോഗം സംസ്ഥാന ജനറല് സെക്രട്ടറി വെള്ളാപ്പള്ളി നടേശന് നയിക്കുന്ന സമത്വ മുന്നേറ്റ യാത്രക്ക് കോഴിക്കോട് നഗരത്തില് സ്വീകരണം നല്കും.
25ന് വൈകിട്ട് മൂന്നിനാണ് നഗരത്തില് സ്വീകരണം നല്കുക. അത്താണിക്കല് ഗുരുവരാശ്രമത്തില് ചേര്ന്ന എസ്എന്ഡിപി യോഗം യൂണിയന് ഭാരവാഹികളുടെയും കെപിഎംഎസ് ഭാരവാഹികളുടെയും മുന്നോക്ക സമുദായ സംരക്ഷണ സമിതി ഭാരവാഹികളുടെയും സംയുക്ത യോഗത്തിലാണ് ഈ തീരുമാനം. യോഗത്തിന്റെ ഉദ്ഘാടനം കെപിഎംഎസ് സംസ്ഥാന ജനറല് സെക്രട്ടറി ടി.വി. ബാബു നിര്വഹിച്ചു. സമത്വ മുന്നേറ്റയാത്ര കേരള രാഷ്ട്രീയത്തില് നിര്ണായകമായ പരിവര്ത്തനങ്ങള് ഉണ്ടാക്കുമെന്ന് ടി വി ബാബു പറഞ്ഞു.
മുന്നാക്കക്കാരനും പിന്നാക്കക്കാരനുമുള്പ്പെടെയുള്ള ഭൂരിപക്ഷ സമുദായത്തിന്റെ അത്താണിയായിരിക്കും ഡിസംബര് 5 ന് തിരുവന്തപുരത്ത് യാത്രാ സമാപനത്തില് നടത്തുന്ന രാഷ്ട്രീയ പ്രഖ്യാപനമെന്നും അദ്ദേഹം പറഞ്ഞു.
എസ്എന്ഡിപി യോഗം ദേവസ്വം സെക്രട്ടറി അരയാക്കണ്ടി സന്തോഷ് അദ്ധ്യക്ഷത വഹിച്ചു. മുന്നാക്ക സമുദായ സംരക്ഷണ സമിതി ജനറല് സെക്രട്ടറി സി.എസ് നായര് മുഖ്യ പ്രഭാഷണം നടത്തി. കെപിഎംഎസ് ജില്ലാ കണ്വീനര് സുബ്രഹ്മണ്യന് എസ്എന്ഡിപി തിരുവമ്പാടി യൂണിയന് സെക്രട്ടറി പി.എ. ശ്രീധരന്, ദാസന് എന്നിവര് ആശംസ നേര്ന്നു. എസ്എന്ഡിപി കോഴിക്കോട് യൂണിയന് സെക്രട്ടറി സി. സുധീഷ് സ്വാഗതവും ടി. ഷനൂബ് നന്ദിയും പറഞ്ഞു. യോഗത്തില് 501 അംഗ സ്വാഗതസംഘം രൂപീകരിച്ചു.
സ്വാഗതസംഘം ഭാരവാഹികളായി വി. രജീന്ദ്രനാഥ്, വി.പി. അശോകന്, എം.പി. പ്രദീപ്കുമാര് (രക്ഷാധികാരിമാര്), ദാസന് പറമ്പത്ത് (ചെയര്മാന്), സി. സുധീഷ് (ജനറല് കണ്വീനര്), ടി. ഷനൂബ് (ട്രഷറര്) എന്നിവരെ തെരഞ്ഞെടുത്തു.
