കോഴിക്കോട്: മിഠായിത്തെരുവില് മൊയ്തീന്പളളി റോഡിലെ കെട്ടിടത്തില് തീപ്പിടിത്തമുണ്ടായത് നഗരത്തില് പരിഭ്രാന്തി പരത്തി. ഇന്നലെ രാവിലെ ഒന്പത് മണിയോടെയാണ് അഗ്നിബാധയുണ്ടായത്.
മൊയ്തീന്പളളി റോഡിന് സമീപത്തെ രണ്ടാം നിലയിലുളള വികെഎം ബില്ഡിംഗില് കരിക്കാംകുളം സ്വദേശി ഖലീഫയുടെ ഉടമസ്ഥതതയിലുള്ള ഹംന ഫൂട്ട്വെയറിന് മുന്നില് കൂട്ടിയിട്ട ചെരുപ്പുകള്ക്കാണ് ആദ്യം തിപിടിച്ചത്. പിന്നീട് കെട്ടിടത്തിലേക്ക് തീ ആളിപ്പടരുകയായിരുന്നു. ബീച്ച് ഫയര് സ്റ്റേഷനില് നിന്നും മൂന്ന് യൂണിറ്റ് ഫയര്ഫോഴ്സെത്തിയാണ് തീ അണച്ചത്.
വികെഎം ബില്ഡിംഗിലെ സ്റ്റെയര്കേയ്സില് കൂട്ടിയിട്ട ചെരുപ്പുകള്ക്കാണ് തീ പിടിച്ചത്. തീപ്പിടിത്തമുണ്ടായത് എങ്ങിനെയെന്ന് വ്യക്തമല്ല.
അതേസമയം ഷോര്ട്ട് സര്ക്യൂട്ടല്ല അഗ്നിബാധയ്ക്ക് കാരണമായതെന്ന് ഫയര്ഫോഴ്സ് സ്ഥിരീകരിച്ചിട്ടുണ്ട്. ശ്രദ്ധയില്പ്പെട്ടവര് വിവരം ഫയര്ഫോഴ്സിനെ അറിയിക്കുകയായിരുന്നു. ഫയര്ഫോഴ്സിന്റെ സമയോചിതമായ ഇടപെടല് കാരണം തീ മറ്റ് കടകളിലേക്ക് പടരാതെ നിയന്ത്രിക്കാനായി. ദീപാവലി പ്രമാണിച്ച് കടകളില് മിക്കതും അടച്ചിട്ടതിനാല് സാധാരണ ഗതിയിലുള്ള തിരക്ക് ഉണ്ടായിരു
ന്നില്ല.
