കൊച്ചി: നിര്‍മ്മാണച്ചെലവിനേക്കാള്‍ ഇരട്ടിയിലധികം തുക കാക്കനാട്-ഇരുമ്പനം ടോള്‍ബൂത്തില്‍ നിന്ന് ലഭ്യമായിട്ടുള്ള സാഹചര്യത്തില്‍ ശബരിമല തീര്‍ത്ഥാടനസമയത്തിനു മുമ്പ് ടോള്‍പിരിവ് നിര്‍ത്തലാക്കണമെന്ന് വിശ്വഹിന്ദുപരിഷത്ത് സംസ്ഥാന പ്രചാര്‍പ്രമുഖ് എന്‍.ആര്‍.സുധാകരന്‍ ആവശ്യപ്പെട്ടു. ഇടക്കാലത്ത് നിര്‍ത്തിവെക്കുകയും കഴിഞ്ഞ വര്‍ഷം അയ്യപ്പഭക്തന്മാരെ ചൂഷണം ചെയ്ത് വന്‍തുക തട്ടിയെടുക്കുകയെന്ന ഗൂഢലക്ഷ്യത്തോടെ ഉദ്യോഗസ്ഥരുടെ ഒത്താശയോടെ ടോള്‍ബൂത്ത് നടത്തിപ്പുകാരന്‍ വീണ്ടും ടോള്‍പിരിവ് തുടങ്ങിയത്. അയ്യപ്പഭക്തരോട് കാണിക്കുന്ന ചൂഷണമനോഭാവം ഉടന്‍ അവസാനിപ്പിക്കണമെന്നും ടോള്‍ബൂത്തിന്റെ പ്രവര്‍ത്തനം നിര്‍ത്തലാക്കണമെന്നും അല്ലാത്തപക്ഷം ശക്തമായ പ്രക്ഷോഭപരിപാടികളുമായി മുന്നോട്ടുപോകുന്നതോടൊപ്പം അനധികൃതമായി നടത്തുന്ന ടോള്‍പിരിവിനെതിരെയും ഇതിനുത്തരവാദികളായ ഉദ്യോഗസ്ഥര്‍ക്കെതിരെയും നിയമനടപടികള്‍ സ്വീകരിക്കുമെന്നും സുധാകരന്‍ അറിയിച്ചു.
മണ്ഡലകാലത്തിനുമുമ്പ് കാക്കനാട്-ഇരുമ്പനം ടോള്‍പിരിവ് നിര്‍ത്തലാക്കണം: വിശ്വഹിന്ദുപരിഷത്ത്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.